Mateo 4

BSNP Edit

Mateo 4

4:1 E ora ei Jesus a wòrdu hibá den desierto dor di e Spiritu pa wòrdu tentá dor di diabel.

4:2 I despues ku El a yuna kuarenta dia i kuarenta nochi, El a haña hamber.

4:3 I e tentadó a bin i a bis'E: "Si Bo ta e Yu di Dios, ordená e piedranan aki pa nan bira pan."

4:4 Ma El a kontestá i a bisa: "Ta pará skirbí: 'Hende lo no biba di pan so, ma di tur palabra ku ta sali for di boka di Dios.'"

4:5 E ora ei diabel a hib'E na e stat santu; i el a pon'E para riba e pinákulo di tèmpel,

4:6 i a bis'E: "Si bo ta e Yu di Dios, tira Bo kurpa abou; pasobra ta pará skirbí: 'E lo duna Su angelnan enkargo tokante di Bo, i den nan mannan nan lo kargaBo, pa Bo no dal Bo pia na piedra.'"

4:7 Jesus a kontest'é: "Tambe ta pará skirbí: 'No tenta SEÑOR bo Dios.'"

4:8 Atrobe diabel a hib'E riba un seru masha haltu mes, i a mustr'E tur e reinonan di mundu i nan gloria;

4:9 i el a bis'E: "Tur e kosnan aki lo mi dunaBo, si Bo tira Bo kurpa abou i adorámi."

4:10 E ora ei Jesus a kontest'é: "Bai for di akinan, Satanás! Pasobra ta pará skirbí: 'Adorá SEÑOR bo Dios, i sirbi E so.'"

4:11 E ora ei diabel a lagu'E; i mira, angelnan a bin i a sirbiE.

4:12 Awor ora Jesus a tende ku Juan a wòrdu kohí prezo, El a bolbe pa Galilea;

4:13 i saliendo for di Nazarèt, El a bin biba na Kapernaum, ku ta keda kantu di laman, den e region di Zabulon i Nèftalí.

4:14 Esaki a sosodé pa keda kumplí loke a wòrdu papiá dor di profeta Isaias:

4:15 "Tera di Zabulon i tera di Nèftalí, na kaminda di laman, na e otro banda di Jordan, Galilea di e paganonan;

4:16 e pueblo ku tabata sintá den skuridat a mira un gran lus, i esnan ku tabata sintá den e tera di sombra di morto, riba nan un lus a resplandesé."

4:17 For di e tempu ei Jesus a kuminsá prediká i bisa: "Repentí, pasobra e reino di shelu ta serka."

4:18 I ora Jesus tabata kana kantu di laman di Galilea, El a mira dos ruman hòmber: Simon, kende tabata wòrdu yamá Pedro, i su ruman Andres, ta tira reda den laman; pasobra nan tabata piskadó.

4:19 I El a bisa nan: "SiguiMi, i lo Mi hasi boso piskadó di hende."

4:20 I mesora nan a laga e redanan para i a siguiE.

4:21 I djei El a sigui i a mira dos otro ruman hòmber: Santiago, yu hòmber di Zebedeo, i su ruman hòmber Juan, den boto huntu ku nan tata Zebedeo, ta drecha nan redanan; i El a yama nan.

4:22 I mesora nan a laga e boto i nan tata i a siguiE.

4:23 I Jesus tabata pasa den henter Galilea, i tabata siña den nan snoanan, i proklamá e evangelio di reino i kura tur sorto di enfermedat i tur sorto di malesa den e pueblo.

G4013 -- I Jesus tabata pasa -> Jesus was going
G4013 -- den -> throughout
G3650 -- henter -> all
G1056 -- Galilea -> Galilee
G1321 -- i tabata siña -> teaching
G4864 -- den nan snoanan -> in their synagogues
G2784 -- i proklamá -> and proclaiming
G2098 -- e evangelio -> the gospel
G932 -- di reino -> of the kingdom
G2323 -- i kura -> and healing
G3956 -- tur -> every
G3956 -- sorto -> kind
G3554 -- di enfermedat -> of disease
G3956 -- i tur -> and every
G3956 -- sorto -> kind
G3119 -- di malesa -> of sickness
G1722 -- den -> among
G2992 -- e pueblo -> the people

4:24 I Su fama a plama den henter Siria; i nan tabata trese serka djE tur hende ku tabata afligí ku tur sorto di malesa i doló, hende poseí pa demoño, epiléptikonan i paralítikonan; i E tabata kura nan.

4:25 I multitutnan grandi tabata siguiE for di Galilea, Dekápolis, Jerusalèm, Judea i for di e otro banda di Jordan.

Mateo 3 Mateo 5