Mateo 2

BSNP Edit

Mateo 2

2:1 Awor despues ku Jesus a nase na Bètlehèm di Judea den e dianan di rei Herodes, ata, sabionan for di oriente a yega Jerusalèm, i a puntra:

2:2 "Unda Esun ta ku a nase komo Rei di e hudiunan? Pasobra nos a mira Su strea na oriente, i a bin pa ador'E."

2:3 I ora rei Herodes a tende esaki, el a keda masha intrankil, i henter Jerusalèm huntu kuné.

2:4 I el a yama tur e saserdotenan prinsipal i eskribanan di e pueblo huntu, i a kuminsá informá serka nan na unda e Cristo lo mester a nase.

2:5 I nan a kontest'é: "Na Bètlehèm di Judea, pasobra asina a wòrdu skirbí dor di e profeta:

2:6 'I abo, Bètlehèm, tera di Juda, di ningun manera ta esun di mas chikitu entre e lidernan di Juda; pasobra for di bo lo sali un Gobernante, Kende lo pastoriá Mi pueblo Israel.'"

2:7 E ora ei Herodes a manda yama e sabionan na sekreto, i a informá pa mas sigur serka nan tokante di e tempu ku e strea a paresé.

2:8 I el a manda nan Bètlehèm, i a bisa: "Bai i buska e Mucha ku tur diligensia; i ora boso hañ'E, lagami sa, pa mi tambe por bin ador'E."

2:9 I despues ku nan a kaba di tende rei, nan a sigui nan kaminda; i ata, e strea ku nan a mira na oriente tabata bai nan dilanti, te ora ku el a yega i a keda para riba e lugá unda e Mucha tabata.

2:10 I ora nan a mira e strea, nan a regosihá ku gran goso.

2:11 I nan a bai den e kas i a mira e Mucha huntu ku Su mama Maria; i nan a tira nan kurpa abou na suela i a ador'E. I nan a habri nan tesoronan i a ofres'E regalonan: oro, sensia i mirra.

2:12 I siendo spièrtá dor di Dios den un soño pa no bolbe serka Herodes, nan a pasa un otro kaminda pa bai nan tera bèk.

2:13 I despues ku nan a sali bai, ata, un angel di Señor a paresé na Jose den un soño, bisando: "Lanta i kohe e Mucha i Su mama, i hui bai Egipto, i keda ayanan te ora Mi avisábo; pasobra Herodes ta bai buska e Mucha pa mata."

G1161 -- I -> Now
G402 -- despues ku nan a sali bai -> when they had gone
G2400 -- ata -> behold
G32a -- un angel -> an angel
G2962 -- di Señor -> of the Lord
G5316 -- a paresé -> appeared
G2501 -- na Jose -> to Joseph
G3677 -- den un soño -> in a dream
G3004 -- bisando -> and said
G1453 -- Lanta -> Get
G3880 -- i kohe -> up! Take
G3813 -- e Mucha -> the Child
G3384 -- i Su mama -> and His mother
G5343 -- i hui -> and flee
G125 -- bai Egipto -> to Egypt
G1510 -- i keda -> and remain
G1563 -- ayanan -> there
G2193 -- te ora -> until
G3004 -- Mi avisábo -> I tell
G2264 -- pasobra Herodes -> you; for Herod
G3195 -- ta bai -> is going
G2212 -- buska -> to search
G3813 -- e Mucha -> for the Child
G622 -- pa mata -> to destroy

2:14 I den anochi el a lanta i a kohe e Mucha i Su mama, i a sali bai Egipto;

2:15 i el a keda ayanan te ora ku Herodes a muri, pa loke a wòrdu papiá dor di Señor pa medio di e profeta por a keda kumplí, ora ku el a bisa: "For di Egipto Mi a yama Mi Yu hòmber."

2:16 Ma ora Herodes a mira ku el a wòrdu gañá pa e sabionan, el a bira razu, i a laga mata tur e mucha hòmbernan ku tabatin na Bètlehèm i den henter e besindario ei, di edat di dos aña p'abou, segun e tempu ku el a averiguá serka e sabionan.

G5119 -- Ma -> Then
G2264 -- ora Herodes -> when Herod
G3708 -- a mira -> saw
G1702 -- ku el a wòrdu gañá -> that he had been tricked
G3097 -- pa e sabionan -> by the magi
G3029 -- el a bira razu -> he became very
G2373 -- el a bira razu -> enraged
G649 -- i a laga mata -> and sent
G337 -- i a laga mata -> and slew
G3956 -- tur -> all
G3816 -- e mucha hòmbernan -> the male
G3816 -- e mucha hòmbernan -> children
G965 -- ku tabatin na Bètlehèm -> who were in Bethlehem
G3956 -- i den henter -> and all
G3725 -- e besindario ei -> its vicinity
G1332 -- di edat di dos -> from two
G1332 -- di edat di dos -> years
G1332 -- di edat di dos -> old
G2736 -- p'abou -> and under
G2596 -- segun -> according
G5550 -- e tempu -> to the time
G3739 -- ku -> which
G198b -- el a averiguá -> he had determined
G3097 -- serka e sabionan -> from the magi

2:17 E ora ei a keda kumplí loke a wòrdu papiá dor di profeta Jeremias:

2:18 "Un bos a wòrdu tendí na Rama, yoramentu i gran lamentashon; Raquel ta yora su yunan; i e ta nenga di wòrdu konsolá, pasobra nan no t'ei mas."

2:19 Ma despues ku Herodes a muri, ata, un angel di Señor a paresé den un soño na Jose na Egipto, bisando:

2:20 "Lanta, kohe e Mucha i Su mama, i bai tera di Israel; pasobra esnan ku tabata buska e Mucha pa mata a muri."

2:21 I el a lanta, a kohe e Mucha i Su mama i a bin tera di Israel.

2:22 Ma ora ku el a tende ku Arkelao tabata reina na Judea na lugá di su tata Herodes, el a haña miedu di bai ayanan. I siendo spièrtá dor di Dios den un soño, el a bai na e regionnan di Galilea,

2:23 i a bin biba den un stat ku yama Nazarèt, pa por a keda kumplí loke a wòrdu papiá dor di e profetanan: "E lo wòrdu yamá un nazareno."

Mateo 1 Mateo 3