Mateo 16

BSNP Edit

Mateo 16

16:1 I e fariseonan i saduseonan a bin, i pa pon'E na prueba nan a pidiE pa mustra nan un señal for di shelu.

16:2 Ma El a kontestá i a bisa nan: "Ora bira tardi boso ta bisa: 'Ta bai tin bon tempu, pasobra shelu ta kòrá.'

16:3 I mainta: 'Awe ta bai tin mal tempu, pasobra shelu ta kòrá i tur tapá ku nubia skur.' Boso sa kon pa distinguí e aspekto di shelu, ma boso no por distinguí e señalnan di e tempunan?

16:4 Un generashon malbado i adúltero ta buska un señal; i ningun señal lo no wòrdu duná na djé, sino solamente e señal di Jonas." I El a bai laga nan.

16:5 I e disipelnan a yega na e otro banda i nan a lubidá di hiba pan.

16:6 I Jesus a bisa nan: "Tene kuidou i warda boso di e zürdeg di e fariseonan i saduseonan."

16:7 I nan a kuminsá diskutí nan ku nan, bisando: "Ta pasobra nos no a hiba pan."

16:8 Ma Jesus, sabiendo esaki, a bisa nan: "Boso, hende di poko fe, pakiko boso ta diskutí un ku otro ku boso no tin pan?

16:9 Ainda boso no ta komprendé ni ta kòrda e sinku pannan pa e sinku milnan, i kuantu makutu boso a rekohé?

16:10 Of e shete pannan pa e kuater milnan, i kuantu makutu grandi boso a rekohé?

16:11 Di kon boso no ta komprendé ku no ta di pan Mi tabata papia? Ma warda boso di e zürdeg di e fariseonan i saduseonan."

16:12 E ora ei nan a komprendé ku E no a bisa pa nan warda nan mes di e zürdeg di pan, sino di e siñansa di e fariseonan i saduseonan.

16:13 Awor ora Jesus a bin den e distrikto di Cesarea di Filipo, El a puntra Su disipelnan, bisando: "Ta ken e hendenan ta bisa ku e Yu di Hende ta?"

16:14 I nan a kontestá: "Algun ta bisa: Juan Boutista; otronan: Elias; i otronan: Jeremias, òf un di e profetanan."

16:15 El a bisa nan: "Ma ta ken boso ta bisa ku Ami ta?"

16:16 I Simon Pedro a kontestá i a bisa: "Abo ta e Cristo, Yu di e Dios bibu."

16:17 I Jesus a kontestá i a bis'é: "Bendishoná bo ta, Simon, yu di Jonas, pasobra no ta karni i sanger a revelá esaki na bo, sino Mi Tata ku ta den shelu.

16:18 I tambe Mi ta bisabo ku abo ta Pedro, i riba e baranka aki lo Mi traha Mi iglesia; i e portanan di fièrnu lo no triunfá riba djé.

16:19 Lo Mi dunabo e yabinan di e reino di shelu; i tur loke bo mara riba tera lo ta mará den shelu, i tur loke bo lòs riba tera lo ta gelòs den shelu."

16:20 E ora ei El a taha e disipelnan pa nan no bisa ningun hende ku E ta e Cristo.

16:21 For di e tempu ei Jesu-Cristo a kuminsá mustra Su disipelnan ku E mester bai Jerusalèm, i sufri hopi kos na man di e ansianonan i saserdotenan prinsipal i eskribanan, i wòrdu matá, i wòrdu lantá riba e di tres dia.

G5119 -- For di e tempu ei -> From that time
G2424 -- Jesu-Cristo -> Jesus
G757 -- a kuminsá -> began
G1166 -- mustra -> to show
G3101 -- Su disipelnan -> His disciples
G1163 -- ku E mester -> that He must
G565 -- bai -> go
G2414 -- Jerusalèm -> to Jerusalem
G3958 -- , i sufri -> and suffer
G4183 -- hopi -> many
G4183 -- kos -> things
G4245 -- na man di e ansianonan -> from the elders
G749 -- i -> and chief
G749 -- saserdotenan prinsipal -> priests
G1122 -- i eskribanan -> and scribes
G615 -- , i wòrdu matá -> and be killed
G1453 -- , i wòrdu lantá -> and be raised
G5154 -- riba e di tres -> up on the third
G2250 -- dia -> day

16:22 I Pedro a hal'é un banda i a kuminsá reprend'E, bisando: "Dios libra, Señor! Esaki nunka lo no sosodé ku Bo."

16:23 Ma El a bira i a bisa Pedro: "Kita for di Mi dilanti, Satanás! Bo ta un piedra di trompeká pa Mi; pasobra bo no tin bo pensamentu riba e kosnan di Dios, sino riba esnan di hende."

16:24 E ora ei Jesus a bisa Su disipelnan: "Si un hende kier bin Mi tras, lagu'é nenga su mes, i hisa su krus, i siguiMi.

16:25 Pasobra ken ku kier salba su bida lo pèrd'é; ma ken ku pèrdè su bida pa Mi kousa lo hañ'é.

16:26 Pasobra ki probecho un hende lo tin si e gana henter mundu, ma pèrdè su alma? Of kiko un hende lo duna en kambio di su alma?

16:27 Pasobra e Yu di Hende lo bin den e gloria di Su Tata, huntu ku Su angelnan; anto E lo rekompensá kada hende segun su obranan.

16:28 Di bèrdat Mi ta bisa boso, tin algun di esnan ku ta pará akinan ku lo no eksperensiá morto promé ku nan mira e Yu di Hende bin den Su reino."

Mateo 15 Mateo 17