Marko 8

BSNP Edit

Marko 8

8:1 Den e dianan ei, ora ku un multitut grandi tabata huntu atrobe, i nan no tabatin nada di kome, Jesus a yama Su disipelnan i a bisa nan:

8:2 "Mi tin kompashon di e multitut, pasobra ya ta tres dia kaba ku nan ta serka Mi, i nan no tin nada di kome;

8:3 i si Mi manda nan bai kas ku hamber, nan lo desmayá na kaminda, i algun di nan a bin for di leu."

8:4 I Su disipelnan a kontest'E: "Unda akinan den desierto hende lo por haña sufisiente pa sasia e hòmbernan aki ku pan?"

8:5 I El a puntra nan: "Kuantu pan boso tin?" I nan a kontestá: "Shete."

8:6 I El a manda e multitut sint'abou na suela; i El a kohe e shete pannan, a gradisí i a kibra nan, i a kuminsá duna esakinan na Su disipelnan pa nan sirbi nan, i nan a sirbi e multitut.

8:7 I nan tabatin algun piská chikitu tambe; i despues ku El a bendishoná nan, El a duna òrdu pa sirbi esakinan tambe.

8:8 I nan a kome keda barika yen; i nan a rekohé loke a resta di e pida-pidanan, shete makutu yen.

8:9 I tabatin komo kuater mil hòmber einan, i El a manda nan bai.

8:10 I mesora El a bai den boto ku Su disipelnan, i a yega na e distrikto di Dalmanuta.

8:11 I e fariseonan a bin i a kuminsá diskutí kunE, i tabata deseá di djE un señal for di shelu, pa pon'E na prueba.

8:12 I El a hala un rosea profundo den Su spiritu i a bisa: "Pakiko e generashon aki ta deseá un señal? Di bèrdat Mi ta bisa boso, un señal lo no wòrdu duná na e generashon aki."

8:13 I El a bai laga nan, a bolbe barka i a bai na e otro banda.

8:14 I e disipelnan a lubidá di hiba pan; i nan no tabatin nada mas sino ún pan so ku nan den boto.

8:15 I El a ordená nan, bisando: "Tene kuidou! Warda boso di e zürdeg di e fariseonan i di e zürdeg di Herodes."

8:16 I nan a kuminsá diskutí nan ku nan, ku nan no tin pan.

8:17 I Jesus, sabiendo esaki, a bisa nan: "Pakiko boso ta diskutí e echo ku boso no tin pan? Ainda boso no ta ripará ni komprendé? T'asina duru boso kurason ta?

8:18 Boso tin wowo, i boso no ta mira? I orea, i boso no ta tende? I boso no ta kòrda?

8:19 Dia Mi a kibra e sinku pannan pa e sinku milnan, kuantu makutu grandi yen di pida-pida boso a rekohé?" Nan a kontest'E: "Diesdos."

8:20 "I dia Mi a kibra e shetenan pa e kuater milnan, kuantu makutu yen di pida-pida boso a rekohé?" I nan a kontest'E: "Shete."

8:21 I El a bisa nan: "Ainda boso no ta komprendé?"

8:22 I nan a yega Bètsaida. I nan a trese un hòmber siegu serka djE, i a rogu'E pa E pone man riba djé.

8:23 I El a kohe e siegu na su man i a hib'é pafó di e pueblito; i despues di a skupi riba su wowonan i di a pone Su mannan riba djé, El a puntr'é: "Bo ta mira algu?"

8:24 I e hòmber a hisa kara wak i a bisa: "Mi ta mira hende, pasobra mi ta mira nan manera palu ta kana rònt."

8:25 Djei El a bolbe pone Su mannan riba wowo di e hòmber; i el a mira bon i a keda restorá, i tabata mira tur kos kla-kla.

8:26 I El a mand'é su kas, bisando: "No bai mes den e pueblito."

8:27 I Jesus ku Su disipelnan a bai na e pueblitonan di Cesarea Filipo; i na kaminda E tabata hasi Su disipelnan pregunta, bisando nan: "Ta ken e hendenan ta bisa ku Mi ta?"

8:28 I nan a kontest'E: "Juan Boutista; i tin ta bisa: Elias; ma otronan: un di e profetanan."

8:29 I El a sigui hasi nan pregunta: "Ma ta ken boso ta bisa ku Ami ta?" Pedro a kontestá i a bis'E: "Abo ta e Cristo."

8:30 I El a taha nan striktamente pa no konta ni un hende tokante di djE.

8:31 I El a kuminsá siña nan ku e Yu di Hende mester sufri hopi kos i wòrdu rechasá pa e ansianonan, e saserdotenan prinsipal i e eskribanan, i wòrdu matá, i despues di tres dia, lanta for di morto.

G757 -- I El a kuminsá -> And He began
G1321 -- siña -> to teach
G5207 -- nan ku e Yu -> them that the Son
G444 -- di Hende -> of Man
G1163 -- mester -> must
G3958 -- sufri -> suffer
G4183 -- hopi -> many
G4183 -- kos -> things
G593 -- i wòrdu rechasá -> and be rejected
G4245 -- pa e ansianonan -> by the elders
G749 -- , e -> and the chief
G749 -- saserdotenan prinsipal -> priests
G1122 -- i e eskribanan -> and the scribes
G615 -- , i wòrdu matá -> and be killed
G3326 -- , i despues -> and after
G5140 -- di tres -> three
G2250 -- dia -> days
G450 -- lanta -> rise
G450 -- for di morto -> again

8:32 I E tabata papia bon kla di e asunto aki. I Pedro a hal'E un banda i a kuminsá reprend'E.

8:33 Ma ora ku El a drai wak Su disipelnan, El a reprendé Pedro, bisando: "Kita for di Mi dilanti, Satanás; pasobra bo no tin bo pensamentu riba e kosnan di Dios, ma riba esnan di hende."

8:34 I El a yama e multitut i Su disipelnan serka djE i a bisa nan: "Si un hende kier siguiMi, lagu'é nenga su mes, i hisa su krus, i siguiMi.

8:35 Pasobra ken ku kier salba su bida lo pèrd'é; ma ken ku pèrdè su bida pa Mi kousa i pa kousa di evangelio, lo salb'é.

8:36 Pasobra ki probecho un hende tin si e gana henter mundu i pèrdè su alma?

8:37 Pasobra kiko un hende lo duna en kambio di su alma?

8:38 Pasobra ken ku tin bèrguensa di Mi i di Mi palabranan den e generashon adúltero i pekaminoso aki, e Yu di Hende tambe lo tin bèrguensa di djé ora ku E bin den e gloria di Su Tata huntu ku e angelnan santu."

Marko 7 Marko 9