Marko 6

BSNP Edit

Marko 6

6:1 I El a sali for di einan, i El a yega na Su mes stat; i Su disipelnan tabata siguiE.

6:2 I ora a bira Sabat, El a kuminsá siña e hendenan den snoa; i hopi hende ku a tend'E a keda asombrá. I nan a puntra: "For di unda e hòmber aki a saka e kosnan aki, i ta ki sabiduria esaki ta ku a wòrdu duná na djE, i ta ki milagernan esakinan ta ku Su mannan ta hasi?

G4521 -- I ora a bira Sabat -> When the Sabbath
G1096 -- , El a kuminsá -> came
G757 -- , El a kuminsá -> He began
G1321 -- siña -> to teach
G4864 -- e hendenan den snoa -> in the synagogue
G4183 -- ; i hopi -> and the many
G191 -- hende ku a tend'E -> listeners
G1605 -- a keda asombrá -> were astonished
G3004 -- . I nan a puntra -> saying
G4159 -- : "For di unda -> Where
G3778 -- e hòmber aki a saka -> did this
G3778 -- e hòmber aki a saka -> man
G3778 -- e kosnan aki -> ] these
G3778 -- e kosnan aki -> things
G5101 -- , i ta ki -> and what
G4678 -- sabiduria esaki -> ] wisdom
G1325 -- ku a wòrdu duná -> given
G5108 -- na djE, i ta ki -> to Him, and such
G1411 -- milagernan -> miracles
G5108 -- esakinan -> as these
G5495 -- ku Su mannan -> by His hands
G1096 -- ta hasi -> performed

6:3 Esaki no ta e karpinté, yu hòmber di Maria, i ruman hòmber di Santiago, Jose, Judas i Simon? I Su ruman muhénan no ta aki serka nos?" I nan a sinti nan mes ofendí pa Su motibu.

6:4 I Jesus a bisa nan: "Un profeta ta wòrdu onrá tur parti, menos na su mes stat i meimei di su mes famia i den su mes kas."

6:5 I E no por a hasi milager einan, solamente El a kura algun hende malu dor di pone man riba nan.

6:6 I El a keda asombrá di nan inkredulidat. I E tabata bai rònt den e pueblonan, siñando e hendenan.

6:7 I El a yama e diesdosnan serka djE i a kuminsá manda nan bai, dos-dos; i E tabata duna nan outoridat riba e spiritunan impuru;

6:8 i El a ordená nan pa no hiba nada pa na kaminda sino solamente un garoti; nada di pan, ni saku, ni plaka den nan faha,

6:9 ma pa nan bisti sandalia; i El a bisa tambe: "No bisti dos túnika riba otro."

6:10 I El a bisa nan: "Unda ku boso drenta un kas, keda einan te ora ku boso sali for di e lugá ei.

6:11 I si kualke lugá no risibí boso ni tende na boso, ora boso sali bai for di einan, sakudí e stòf kita for di boso plant'i pia komo un testimonio kontra nan."

6:12 I nan a bai i a prediká ku hende mester repentí.

6:13 I nan a saka hopi demoño i a hunta hopi hende malu ku zeta i a kura nan.

6:14 I rei Herodes a tende di esaki, pasobra Su nòmber a bira hopi konosí; i e hendenan tabata bisa: "Juan Boutista a lanta for di e mortonan, i ta pesei e podernan aki pa hasi milager ta obra den djE."

6:15 Ma otronan tabata bisa: "E ta Elias." I otronan tabata bisa: "E ta un profeta, manera un di e profetanan di promé aya."

6:16 Ma ora Herodes a tende di esaki, el a keda bisa: "Juan, kende mi a laga kap su kabes afó, a lanta for di e mortonan!"

6:17 Pasobra Herodes mes a laga arestá Juan i a pon'é na kadena den prizon pa motibu di Herodias, esposa di su ruman Felipe, pasobra el a kasa kuné.

6:18 Pasobra Juan tabata bisa Herodes: "Lei no ta pèrmití pa bo tin e esposa di bo ruman."

6:19 I Herodias tabatin renkor kontra djé i kier a laga mat'é, ma e no tabata por;

6:20 pasobra Herodes tabatin miedu di Juan, sabiendo ku e tabata un hòmber hustu i santu, i e tabata proteh'é. I ki ora ku e tende Juan, e tabata keda tur konfundí; ma e tabata gusta skuch'é.

6:21 I a presentá un dia oportuno ora Herodes, riba dia di su aña, a tene un bankete pa su prensnan, su ofisialnan militar i e hòmbernan prinsipal di Galilea;

6:22 i ora ku e yu muhé di Herodias a drenta i a balia, el a agradá Herodes i esnan ku tabata huntu kuné na mesa. I rei a bisa e mucha muhé: "Pidimi loke bo kier i lo mi dunabo."

6:23 I el a hura: "Kiko ku bo pidimi lo mi dunabo, asta mitar di mi reino."

6:24 I el a bai pafó i a puntra su mama: "Kiko lo mi pidi?" I su mama a kontestá: "Kabes di Juan Boutista."

6:25 I mesora el a kore bai paden serka rei i a pidié, bisando: "Mi kier pa awor aki mes bo dunami kabes di Juan Boutista riba un teblachi."

6:26 I maske a duel rei mashá, tòg pa motibu di su huramentu i pa motibu di esnan ku tabata huntu kuné na mesa, e no kier a nengu'é.

6:27 I mesora rei a manda un burdugu i a dun'é òrdu pa trese Juan su kabes. I esei a bai i a kap Juan su kabes afó den prizon,

6:28 i a trese su kabes riba un teblachi, i a duna e mucha muhé esaki; i e mucha muhé a dun'é na su mama.

6:29 I ora su disipelnan a tende esaki, nan a bin kohe su kurpa bai kuné, i a pon'é den un tumba.

6:30 I e apòstelnan a reuní huntu ku Jesus, i nan a kont'E tur loke nan a hasi i a siña e hendenan.

6:31 I El a bisa nan: "Ban ku Mi, boso so, na un lugá solitario i sosegá un ratu." Pasobra tabatin hopi hende ta bai bin, i nan no tabatin ni tempu pa kome.

6:32 I nan a bai den boto na un lugá solitario, nan so.

6:33 I e hendenan a mira nan ta bai, i hopi a rekonosé nan, i nan a kore bai p'aya na pia for di tur e statnan, i a yega ayanan promé ku nan.

6:34 I ora Jesus a baha for di boto, El a mira un multitut grandi, i El a sinti kompashon pa nan, pasobra nan tabata manera karné sin wardadó; i El a kuminsá siña nan hopi kos.

6:35 I ora tabata basta lat kaba, Su disipelnan a bin serka djE i a bis'E: "E lugá ta desolá i ta basta lat kaba;

6:36 manda nan bai na e lugánan i pueblitonan den besindario, pa nan por kumpra algu di kome pa nan mes; pasobra nan no tin nada pa kome."

6:37 Ma El a kontestá i a bisa nan: "Boso duna nan algu di kome!" I nan a bis'E: "Nos mester bai kumpra dos shen denario di pan i duna nan di kome?"

6:38 I El a bisa nan: "Kuantu pan boso tin? Bai wak!" I ora nan a averiguá, nan a bisa: "Sinku, i dos piská."

6:39 I El a manda nan tur bai sinta na grupo riba e yerba bèrdè.

6:40 I nan a bai sinta den gruponan di shen i den gruponan di sinkuenta.

6:41 I El a kohe e sinku pannan i e dos piskánan, i mirando ariba na shelu El a bendishoná e kuminda i a kibra e pannan, i E tabata duna nan na e disipelnan pa pone dilanti di e hendenan; i El a parti e dos piskánan pa tur.

G2983 -- I El a kohe -> And He took
G4002 -- e sinku -> the five
G740 -- pannan -> loaves
G1417 -- i e dos -> and the two
G2486 -- piskánan, -> fish
G308 -- i mirando -> and looking
G1519 -- ariba na -> up toward
G3772 -- shelu -> heaven
G2127 -- El a bendishoná -> He blessed
G2622 -- e kuminda i a kibra -> ] and broke
G740 -- e pannan, -> the loaves
G1325 -- i E tabata duna -> and He kept giving
G3101 -- nan na e disipelnan -> ] to the disciples
G3908 -- pa pone -> to set
G3908 -- dilanti -> before
G3307 -- di e hendenan; i El a parti -> them; and He divided
G1417 -- e dos -> up the two
G2486 -- piskánan -> fish
G3956 -- pa tur. -> among them all

6:42 I nan tur a kome keda barika yen.

6:43 I nan a rekohé diesdos makutu yen di e pida-pidanan i tambe di piská.

6:44 I tur esnan ku a kome e pannan tabata sinku mil hòmber.

6:45 I mesora El a manda Su disipelnan bai den boto i bai Su dilanti na e otro banda, na Bètsaida, mientras ku E mes tabata manda e multitut bai.

6:46 I despues di a despedí di nan, El a bai na e seru pa hasi orashon.

6:47 I ora nochi a sera, e boto tabata meimei di laman, i E so a keda na tera.

6:48 I ora ku El a mira ku nan tabata rema masha duru mes, pasobra bientu tabata kontrario, El a bin serka nan mas o menos na e di kuater warda di anochi, kanando riba laman; i E kier a pasa nan forbei.

6:49 Ma ora nan a mir'E ta kana riba laman, nan a kere ku tabata un spiritu, i nan a kuminsá grita;

6:50 pasobra nan tur a mir'E i a keda yen di sustu. Ma mesora El a papia ku nan i a bisa nan: "Tene kurashi; ta Ami, no tene miedu."

6:51 I El a bai den boto serka nan, i bientu a stòp di supla; i nan a keda masha asombrá mes,

6:52 pasobra nan no a siña nada dor di e milager di e pannan, pa motibu ku nan kurason tabata duru.

6:53 I ora nan a krusa, nan a yega tera na Genesaret, i nan a ankra.

6:54 I ora nan a sali for di e boto, mesora e hendenan a rekonos'E,

6:55 i nan a bai rònt den henter e region ei, i tur esnan ku tabata malu nan tabata karga riba kama hiba na e lugá kaminda nan a tende ku E tabata.

6:56 I unda ku El a yega, sea na un pueblito, òf un stat, òf kampo, nan tabata pone esnan ku tabata malu riba e plasanan, i tabata rogu'E pa nan djis mishi ku zòm di Su mantel; i tur ku a mishi ku esaki a wòrdu kurá.

G3699 -- I unda ku -> Wherever
G1531 -- El a yega -> He entered
G2968 -- pueblito -> villages
G2228 -- , òf -> or
G4172 -- un stat -> cities
G2228 -- , òf -> or
G68 -- kampo -> countryside
G5087 -- , nan tabata pone -> they were laying
G770 -- esnan ku tabata malu -> the sick
G58 -- riba e plasanan -> in the market
G3870 -- , i tabata rogu'E -> and imploring
G2579 -- pa nan djis -> Him that they might just
G681 -- mishi -> touch
G2899 -- ku zòm -> the fringe
G2440 -- di Su mantel -> of His cloak
G3745 -- ; i tur -> and as many
G681 -- ku a mishi -> as touched
G4982 -- ku esaki a wòrdu kurá -> it were being cured

Marko 5 Marko 7