Marko 12

BSNP Edit

Marko 12

12:1 I El a kuminsá papia ku nan den parábola: "Un hòmber a planta un kunuku di wendrùif i a lanta un muraya rònt di djé. El a koba un baki-di-pèrs-wendrùif i a traha un toren, a hür é ku algun kunukero, i a bai hasi un biahe.

12:2 I na tempu di kosecha el a manda un esklabu serka e kunukeronan pa risibí un parti di e frutanan di e kunuku di wendrùif for di e kunukeronan.

12:3 I nan a koh'é, batié, i a mand'é bai man bashí.

12:4 I el a bolbe manda un otro esklabu serka nan, i nan a heridá esaki na su kabes, i a trat'é na un manera bèrgonsoso.

12:5 I el a bolbe manda un otro, i esei nan a mata; i asina nan a hasi ku hopi otro mas; algun nan a bati i otronan nan a mata.

12:6 "Ainda e tabatin ún mas, un yu stimá; por último el a manda esaki serka nan, bisando: 'Nan lo respetá mi yu.'

12:7 "Ma e kunukeronan ei a bisa otro: 'Esaki ta e eredero; ban laga nos mat'é, i e erensia lo keda pa nos!'

12:8 I nan a koh'é, mat'é, i a tir'é pafó di e kunuku di wendrùif.

12:9 "Kiko doño di e kunuku di wendrùif lo hasi? E lo bin i destruí e kunukeronan, i lo duna e kunuku di wendrùif na otronan.

12:10 Boso no a lesa e Skritura aki nunka: 'E piedra ku e trahadónan a rechasá, esaki a bira e piedra-di-skina prinsipal;

12:11 esaki a bin di Señor, i e ta maraviyoso den nos bista'?"

12:12 I nan tabata buska pa gar'E, ma nan tabatin miedu di e multitut; pasobra nan a komprendé ku El a papia e parábola kontra nan. Asina nan a lagu'E i a bai.

12:13 I nan a manda algun di e fariseonan i e herodianonan serka djE, pa koh'E den trampa ku Su mes palabranan.

12:14 I nan a bin i a bis'E: "Maestro, nos sa ku Bo ta bèrdadero i no ta laga ni un hende influensiáBo, pasobra Bo no ta hasi distinshon di persona, ma ta siña e kaminda di Dios den bèrdat. Lei ta pèrmití pa paga belasting na Cesar, sí òf nò?

G2064 -- a bin -> came
G3004 -- a bis'E -> said
G1320 -- : "Maestro -> to HimTeacher
G3609a -- , nos sa -> we know
G227 -- ku Bo ta bèrdadero -> that You are truthful
G3199 -- i no ta laga -> and defer
G3762 -- ni un -> to no
G3762 -- hende -> one
G991 -- influensiáBo, pasobra Bo no ta hasi distinshon -> for You are not partial
G444 -- di persona -> to any
G1321 -- , ma ta siña -> but teach
G3598 -- e kaminda -> the way
G2316 -- di Dios -> of God
G225 -- den bèrdat -> in truth
G1832 -- . Lei ta pèrmití -> . Is it lawful
G1325 -- pa paga -> to pay
G2778b -- belasting -> a poll-tax
G2541 -- na Cesar -> to Caesar
G2228 -- , sí òf -> or

12:15 Nos lo paga òf nos lo no paga?" Ma E, konosiendo nan hipokresia, a bisa nan: "Pakiko boso ta pone trampa pa Mi? Trese un denario pa Mi mira."

12:16 I nan a trese un. I El a puntra nan: "Ta ken su imagen i inskripshon esaki ta?" I nan a bis'E: "Di Cesar."

12:17 I Jesus a bisa nan: "Duna Cesar loke ta di Cesar, i Dios loke ta di Dios." I nan a keda masha strañá di djE.

12:18 I algun saduseo ku ta bisa ku no tin resurekshon a bin serka djE, i a kuminsá hasiE pregunta, bisando:

12:19 "Maestro, Moisés a skirbi pa nos ku si un hòmber su ruman muri i laga un esposa atras, ma ni un yu, su ruman hòmber mester tuma e esposa i lanta desendiente pa su ruman.

12:20 Tabatin shete ruman hòmber. E di promé a tuma un esposa, i a muri sin laga ni un desendiente.

12:21 I e di dos a tum'é, i a muri sin laga ni un desendiente; i e di tres meskos;

12:22 i asina ni un di e shetenan no a laga desendiente. Despues di nan tur e muhé tambe a muri.

12:23 Den e resurekshon, ora nan lanta, esposa di kual di nan lo e ta? Pasobra tur shete tabatin é komo esposa."

12:24 I Jesus a kontestá nan: "No t'esaki ta e motibu ku boso ta kiboká, ku boso no ta komprendé e Skrituranan ni e poder di Dios?

12:25 Pasobra ora nan lanta for di e mortonan, nan no ta kasa ni ta wòrdu duná pa kasa, ma nan ta manera angel den shelu.

12:26 Ma enkuanto e echo ku e mortonan ta lanta, boso no a lesa den e buki di Moisés, den e Skritura tokante di e mata, kon Dios a papia kuné, bisando: 'Ami ta e Dios di Abraham, i e Dios di Isaak, i e Dios di Jakòb'?

12:27 E no ta e Dios di e mortonan, sino di e bibunan; boso ta masha kiboká."

12:28 I un di e eskribanan ku a bin i a tende nan ta diskutí, i ku a rekonosé ku El a kontestá nan bon, a puntr'E: "Di tur e mandamentunan, kual ta esun di promé?"

12:29 Jesus a kontestá: "Esun di promé ta: 'Tende, O Israel, SEÑOR nos Dios ta ún SEÑOR.

12:30 Stima SEÑOR bo Dios ku henter bo kurason, i ku henter bo alma, i ku henter bo mente, i ku tur bo forsa.'

12:31 E di dos ta esaki: 'Stima bo próhimo manera bo mes.' No tin ningun otro mandamentu mas grandi ku esakinan."

12:32 I e eskriba a bis'E: "Korekto, Maestro, Bo a papia bèrdat, pasobra ta ún Dios tin; i fuera di djE no tin ni un otro.

12:33 I pa stim'E ku henter bo kurason i ku tur bo komprendementu i ku tur bo forsa, i pa stima bo próhimo manera bo mes, ta bal mas ku tur ofrenda kimá i sakrifisio."

12:34 I ora Jesus a mira ku el a kontestá ku inteligensia, El a bis'é: "Bo no ta leu for di e reino di Dios." I despues di esei ni un hende no a tribi hasiE mas pregunta.

12:35 I mientras ku Jesus tabata siña e hendenan den tèmpel El a kontestá i a bisa: "Di kon e eskribanan ta bisa ku e Cristo ta yu di David?

12:36 Pasobra David mes a bisa pa medio di Spiritu Santu: 'SEÑOR a bisa mi Señor: "Sinta na Mi man drechi, te ora Mi pone Bo enemigunan bou di Bo pianan."'

12:37 David mes ta yam'E 'Señor'; i kon anto E por ta su yu?" I e multitut grandi tabata gusta skuch'E.

12:38 I El a bisa nan den Su siñansa: "Warda boso di e eskribanan ku ta gusta kana rònt ku paña largu bistí, i ku ta gusta saludonan di rèspèt riba plasa,

12:39 i e mihó asientonan den snoa i e lugánan di onor na bankete,

12:40 ku ta devorá kas di biuda i ta hasi orashonnan largu pa bista di hende. Esakinan lo risibí kondenashon mas pisá."

12:41 I El a bai sinta enfrente di e kaha di ofrenda, i tabata opservá kon e multitut tabata tira plaka den e kaha di ofrenda. I hopi hende riku tabata tira sumanan grandi aden.

12:42 I un biuda pober a bin i a tira dos sèn di koper aden, kualnan ta suma ún plaka.

12:43 I Jesus a yama Su disipelnan serka djE i a bisa nan: "Di bèrdat Mi ta bisa boso, e biuda pober aki a tira mas den e kaha di ofrenda ku tur e otronan ku a tira algu aden;

12:44 pasobra nan tur a tira aden for di nan abundansia, ma el a tira aden, for di su pobresa, tur loke ku e tabatin, tur loke ku e tabatin pa biba di djé."

Marko 11 Marko 13