Marko 11

BSNP Edit

Marko 11

11:1 I ora nan tabata yega serka di Jerusalèm, na Bètfage i Betania, pegá ku Seru di Oleifi, El a manda dos di Su disipelnan,

11:2 i a bisa nan: "Bai den e pueblito ku ta keda enfrente di boso, i asina boso drenta den djé boso lo haña un yu di buriku mará, ku nunka ni un hende no a sinta riba djé ainda; lòs é, tres'é akinan.

11:3 I si un hende puntra boso: 'Pakiko boso ta hasi esaki?' bisa: 'Señor tin mester di djé,' i mesora E lo mand'é bèk."

11:4 I nan a bai i a haña un yu di buriku pafó riba kaya, mará na un porta; i nan a lòs é.

11:5 I algun hende ku tabata pará einan tabata puntra nan: "Ta kiko boso ta hasi; pakiko boso ta lòs e yu di buriku?"

11:6 I nan a kontestá nan manera Jesus a bisa nan, i nan a duna e disipelnan pèrmit pa bai kuné.

11:7 I nan a trese e yu di buriku pa Jesus i a pone nan pañanan riba djé, i Jesus a sinta riba djé.

11:8 I hopi hende a habri nan mantelnan riba kaminda, i otronan a pone rama bèrdè ku nan a kòrta den kunuku.

11:9 I esnan ku tabata bai dilanti, i esnan ku tabata sigui, tabata grita: "Hosana!" "Bendishoná ta Esun ku ta bin den e nòmber di SEÑOR!"

11:10 "Bendishoná ta e reino benidero di nos tata David!" "Hosana den e halturanan!"

11:11 I El a drenta Jerusalèm i a bai den tèmpel. I despues di a wak tur rònt, i komo ku tabata lat kaba, El a sali bai Betania huntu ku e diesdosnan.

11:12 I su manisé, ora nan a sali bai for di Betania, El a haña hamber.

11:13 I mirando djaleu un palu di figo ku blachi, El a bai wak si kisas E por a haña algu na djé; i ora ku El a yega serka, E no a haña nada sino blachi so, pasobra no tabata tempu di figo.

11:14 I El a kontestá i a bisa e palu: "Ku nunka mas ni un hende no kome fruta di bo!" I Su disipelnan a tende esaki.

11:15 I nan a yega Jerusalèm. I El a bai den tèmpel i a kuminsá kore ku esnan ku tabata kumpra i bende den tèmpel, saka nan afó, i a bòlter e mesanan di e kambiadónan di plaka i e stulnan di esnan ku tabata bende palomba;

G2532 -- I -> Then
G2064 -- nan a yega -> came
G2414 -- Jerusalèm -> to Jerusalem
G1525 -- . I El a bai den -> . And He entered
G2413 -- tèmpel -> the temple
G757 -- i a kuminsá -> and began
G1544b -- kore ku -> to drive
G3588 -- esnan -> out those
G59 -- ku tabata kumpra -> who were buying
G4453 -- i bende -> and selling
G2413 -- den tèmpel -> in the temple
G2690 -- , saka nan afó, i a bòlter -> and overturned
G5132 -- e mesanan -> the tables
G2855a -- di e -> of the money
G2855a -- kambiadónan di plaka -> changers
G2515 -- i e stulnan -> and the seats
G3588 -- di esnan -> of those
G4453 -- ku tabata bende -> who were selling
G4058 -- palomba -> doves

11:16 i E no a pèrmití ningun hende karga merkansia pasa dor di tèmpel kuné.

11:17 I El a kuminsá siña i bisa nan: "No ta pará skirbí: 'Mi kas lo wòrdu yamá un kas di orashon pa tur nashon'? Ma boso a hasié un kueba di ladron."

11:18 I e saserdotenan prinsipal i e eskribanan a tende esaki, i a kuminsá buska kon nan por destruiE; pasobra nan tabatin miedu di djE, komo ku henter e multitut a keda asombrá di Su siñansa.

11:19 I ora nochi a sera, nan a sali bai for di e stat.

11:20 I mainta, ora nan tabata pasa, nan a mira ku e palu di figo a seka for di rais.

11:21 E ora ei Pedro a kòrda i a bis'E: "Rabi, at'e palu di figo ku Bo a maldishoná a seka."

11:22 I Jesus a kontestá nan: "Tene fe den Dios.

11:23 Di bèrdat Mi ta bisa boso, ken ku bisa e seru aki: 'Sea kitá for di einan i tirá den laman,' i no duda den su kurason, ma kere ku loke e ta bisa ta bai sosodé, esei lo wòrdu hasí p'é.

11:24 Pesei Mi ta bisa boso, tur loke boso pidi ora boso ta hasi orashon, kere ku boso ta risibié, i e lo bira di boso.

11:25 I ki ora ku boso ta para hasi orashon, pordoná si boso tin algu kontra un hende, pa boso Tata ku ta den shelu tambe pordoná boso boso transgreshonnan.

11:26 [Ma si boso no pordoná, boso Tata ku ta den shelu tampoko lo no pordoná boso transgreshonnan."]

11:27 I nan a bolbe bin Jerusalèm. I ora ku E tabata kana den tèmpel, e saserdotenan prinsipal, e eskribanan i e ansianonan a bin serka djE,

11:28 i a puntr'E: "Ku ki outoridat Bo ta hasi e kosnan aki, òf ta ken a dunaBo e outoridat pa hasi e kosnan aki?"

11:29 I Jesus a kontestá nan: "Lo Mi hasi boso un pregunta, i boso kontestáMi, i e ora ei lo Mi bisa boso ku ki outoridat Mi ta hasi e kosnan aki.

11:30 E boutismo di Juan tabata for di shelu òf for di hende? KontestáMi."

11:31 I nan a kuminsá deliberá nan ku nan, bisando: "Si nos bisa: 'For di shelu,' E lo bisa: 'Pakiko boso no a ker'é anto?'

11:32 Ma si nos bisa: 'For di hende'"--nan tabatin miedu di e multitut, pasobra di bèrdat tur tabatin Juan pa profeta.

11:33 Pesei nan a kontestá Jesus i a bisa: "Nos no sa." I Jesus a bisa nan: "Ami tampoko lo no bisa boso ku ki outoridat Mi ta hasi e kosnan aki."

Marko 10 Marko 12