Marko 10

BSNP Edit

Marko 10

10:1 I El a lanta i a bai for di einan na e region di Judea, i te na e otro banda di Jordan; i un multitut di hende a bin serka djE atrobe, i manera tabata Su kustumber, El a bolbe kuminsá siña nan.

10:2 I algun fariseo a bin serka djE pa pon'E na prueba, i a puntr'E si Lei ta pèrmití un hòmber diborsiá su esposa.

10:3 I El a kontestá i a bisa nan: "Kiko Moisés a ordená boso?"

10:4 I nan a kontestá: "Moisés a pèrmití un hòmber pa skirbi un karta di diborsio i pa mand'é bai."

10:5 Ma Jesus a kontestá nan: "Pa motibu di e duresa di boso kurason el a skirbi e mandamentu aki pa boso.

10:6 Ma for di prinsipio di kreashon Dios a traha nan hòmber i muhé.

10:7 'Pa e motibu aki un hòmber lo bandoná su tata i mama i lo uni ku su esposa,

10:8 i nan dos lo bira ún karni;' di manera ku nan no ta dos mas, sino ún karni.

10:9 Pesei, loke Dios a uni, no laga ningun hende separá."

10:10 I na kas e disipelnan a bolbe puntr'E tokante di e mesun asunto.

10:11 I El a bisa nan: "Ken ku diborsiá su esposa i kasa ku un otro muhé ta kometé adulterio kontra djé;

10:12 i si un muhé diborsiá su esposo i kasa ku un otro hòmber, e ta kometé adulterio."

10:13 I nan tabata trese mucha chikitu serka djE, pa E pone man riba nan; i e disipelnan tabata reprendé nan.

10:14 Ma ora Jesus a mira esaki, El a keda tur indigná i a bisa nan: "Laga e muchanan bin serka Mi; no stroba nan, pasobra e reino di Dios ta pertenesé na esnan manera esakinan.

10:15 Di bèrdat Mi ta bisa boso, esun ku no risibí e reino di Dios manera un mucha lo no drenta den djé."

10:16 I El a tuma nan den Su brasa i a bendishoná nan, poniendo Su mannan riba nan.

10:17 I ora ku E tabata sali bai pa sigui Su kaminda, un hòmber a kore bin serka djE i a kai na rudia Su dilanti i a puntr'E: "Bon Maestro, kiko mi mester hasi pa eredá bida etèrno?"

10:18 I Jesus a puntr'é: "Pakiko bo ta yamaMi bon? Ni un hende no ta bon sino Dios so.

10:19 Bo sa e mandamentunan: 'No mata; no kometé adulterio; no hòrta; no duna testimonio falsu; no kometé froude; onra bo tata i bo mama.' "

10:20 I el a bis'E: "Maestro, tur e kosnan aki mi a warda for di tempu di mi hubentut."

10:21 I Jesus, ora ku El a wak é, El a stim'é i a bis'é: "Un kos bo falta: bai i bende tur loke bo tin, i duna na hende pober, i lo bo tin tesoro den shelu; i bin, siguiMi."

10:22 Ma e palabranan aki a hasié bira masha afligí, i el a bai tur tristu, pasobra e tabata doño di hopi propiedat.

10:23 I Jesus, mirando rònt, a bisa Su disipelnan: "Ki difisil lo ta pa esnan ku ta riku drenta e reino di Dios!"

10:24 I e disipelnan a keda strañá di Su palabranan. Ma Jesus a kontestá atrobe i a bisa nan: "Yunan, ki difisil ta pa drenta e reino di Dios!

10:25 Ta mas fasil pa un kamel pasa dor di wowo di un angua, ku pa un hende riku drenta e reino di Dios."

10:26 I nan a keda mas asombrá ainda i a puntr'E: "Ta ken por wòrdu salbá anto?"

10:27 I Jesus a wak nan i a bisa: "Serka hende esaki ta imposibel, ma no serka Dios; pasobra tur kos ta posibel serka Dios."

10:28 Pedro a kuminsá bis'E: "Ata, nos a bandoná tur kos i a siguiBo."

10:29 Jesus a bisa: "Di bèrdat Mi ta bisa boso, no tin ningun hende ku a bandoná kas òf ruman hòmbernan òf ruman muhénan òf mama òf tata òf yunan òf kunukunan pa Mi motibu i pa motibu di evangelio,

10:30 ku lo no risibí shen bes mas tantu den e tempu aki: kasnan i ruman hòmbernan i ruman muhénan i mamanan i yunan i kunukunan, huntu ku pèrsekushonnan; i den e siglo ku ta bin, bida etèrno.

10:31 Ma hopi ku ta promé lo ta último; i e últimonan lo ta promé."

10:32 I nan tabata na kaminda pa bai Jerusalèm, i Jesus tabata kana nan dilanti; i nan a keda strañá i esnan ku tabata sigui tabatin miedu. I atrobe El a hala e diesdosnan un banda i a kuminsá konta nan kiko lo bai sosodé kunE,

G3598 -- I nan tabata na kaminda -> They were on the road
G305 -- pa bai -> going
G2414 -- Jerusalèm -> up to Jerusalem
G2424 -- i Jesus -> and Jesus
G4254 -- tabata kana -> was walking
G4254 -- nan dilanti -> on ahead
G2284 -- ; i nan a keda strañá -> of them; and they were amazed
G3588 -- i esnan -> and those
G190 -- ku tabata sigui -> who followed
G5399 -- tabatin miedu -> were fearful
G3825 -- . I atrobe -> . And again
G3880 -- El a hala -> He took
G1427 -- e diesdosnan -> the twelve
G3880 -- un banda -> aside
G757 -- i a kuminsá -> and began
G3004 -- konta -> to tell
G3588 -- nan kiko -> them what
G3195 -- lo bai -> was going
G4819 -- sosodé -> to happen

10:33 bisando: "Mira, nos ta bai Jerusalèm, i e Yu di Hende lo wòrdu entregá na e saserdotenan prinsipal i eskribanan; i nan lo konden'E na morto, i lo entregu'E na e paganonan.

10:34 I nan lo hasi bofon di djE i skupi riba djE i sut'E i mat'E, i tres dia despues E lo lanta."

10:35 I Santiago i Juan, e dos yu hòmbernan di Zebedeo, a bin serka djE, i a bis'E: "Maestro, nos kier pa Bo hasi pa nos kiko ku nos pidiBo."

10:36 I El a bisa nan: "Kiko boso kier pa Mi hasi pa boso?"

10:37 I nan a bis'E: "Den Bo gloria, laga ku nos por sinta, un na Bo man drechi i un na Bo man robes."

10:38 Ma Jesus a bisa nan: "Boso no sa kiko boso ta pidi. Boso por bebe e kopa ku Ami ta bebe, òf wòrdu batisá ku e boutismo ku kual Ami ta wòrdu batisá?"

10:39 I nan a bis'E: "Nos por." I Jesus a bisa nan: "E kopa ku Ami ta bebe, boso lo bebe; i boso lo wòrdu batisá ku e boutismo ku kual Ami ta wòrdu batisá.

10:40 Ma pa sinta na Mi man drechi òf na Mi man robes, esaki no ta keda na Mi pa duna, ma ta pa esnan pa kendenan esei a wòrdu prepará."

10:41 I ora ku e diesnan a tende esaki, nan a kuminsá tuma Santiago i Juan masha na malu.

10:42 I yamando nan serka djE, Jesus a bisa nan: "Boso sa ku esnan ku ta rekonosí komo gobernantenan di e paganonan tin dominio riba nan; i nan shonnan ta ehersé outoridat riba nan.

10:43 Ma entre boso no t'asina, ma ken ku kier bira grandi entre boso lo ta boso sirbidó;

10:44 i ken ku kier ta esun di promé entre boso lo ta esklabu di tur.

10:45 Pasobra ni e Yu di Hende no a bin pa wòrdu sirbí, ma pa sirbi, i pa duna Su bida komo preis di reskate pa hopi."

10:46 I nan a yega Jeriko. I ora Jesus, huntu ku Su disipelnan i un multitut grandi, tabata sali for di Jeriko, tabatin un pididó di limosna siegu ku yama Bartimeo, yu di Timeo, sintá kantu di kaminda.

10:47 I ora ku el a tende ku tabata Jesus di Nazarèt, el a kuminsá grita i bisa: "Jesus, Yu di David, tene miserikòrdia di mi!"

10:48 I hopi hende tabata rous é mand'é keda ketu; ma el a grita mas duru ainda: "Yu di David, tene miserikòrdia di mi!"

10:49 I Jesus a keda para i a bisa: "Yam'é bin akinan." I nan a yama e hòmber siegu i a bis'é: "Tene kurashi, lanta! E ta yamabo."

10:50 I el a benta su mantel un banda, a bul'ariba, i a bin serka Jesus.

10:51 I Jesus a kontest'é i a bisa: "Kiko bo kier pa Mi hasi pa bo?" I e hòmber siegu a bis'E: "Rabuni, mi kier rekobrá mi bista!"

10:52 I Jesus a bis'é: "Bai; bo fe a salbabo." I mesora el a rekobrá su bista i a sigui Jesus riba kaminda.

Marko 9 Marko 11