Lukas 23

BSNP Edit

Lukas 23

23:1 E ora ei henter e multitut di nan a lanta i a hib'E dilanti di Pilato.

23:2 I nan a kuminsá akus'E, bisando: "Nos a haña e hòmber aki ta gaña nos nashon i ta prohibí di paga belasting na Cesar, i ta bisa ku ta E mes ta Cristo, un Rei."

23:3 I Pilato a puntr'E, bisando: "Ta Abo ta e Rei di e hudiunan?" I El a kontest'é i a bisa: "Ta manera bo ta bisa."

23:4 I Pilato a bisa e saserdotenan prinsipal i e multitutnan: "Mi no ta haña ningun kulpa den e hòmber aki."

23:5 Ma nan a keda insistí, bisando: "E ta instigá e pueblo, siñando den henter Judea, kuminsando for di Galilea te na e lugá aki."

23:6 Ma ora Pilato a tende esaki, el a puntra si e hòmber ei tabata un galileo.

23:7 I ora ku el a haña sa ku E tabata di e teritorio di Herodes, el a mand'E serka Herodes, kende tambe tabata na Jerusalèm den e dianan ei.

23:8 Awor ora Herodes a mira Jesus, el a keda mashá kontentu, pasobra di hopi tempu kaba e tabatin gana di mir'E, pasobra el a tende di djE i tabata spera di mir'E hasi algun milager.

G1161 -- Awor ora -> Now
G2264 -- Herodes -> Herod
G3029 -- a mira -> was very
G5463 -- Jesus, el a keda mashá kontentu -> glad
G3708 -- pasobra -> when he saw
G2424 -- di hopi tempu kaba -> Jesus
G1510 -- e tabatin gana -> for he had
G2309 -- di mir'E -> wanted
G3708 -- pasobra el a tende -> to see
G2425 -- di djE -> Him for a long
G5550 -- i tabata spera -> time
G1223 -- di mir'E -> because
G191 -- hasi algun milager -> he had been hearing
G4012 -- . -> about
G1679 -- . -> Him and was hoping
G3708 -- . -> to see
G5100 -- . -> some
G4592 -- . -> sign
G1096 -- . -> performed

23:9 I el a hasiE hopi pregunta, ma E no a kontest'é nada.

23:10 I e saserdotenan prinsipal i eskribanan tabata pará einan i tabata akus'E fuertemente.

23:11 I Herodes ku su sòldánan a trat'E ku despresio i a hasi bofon di djE, i a bistiE un mantel luhoso i a mand'E bèk serka Pilato.

23:12 I riba e dia ei Pilato i Herodes a bira amigu di otro; pasobra promé nan tabata enemigu di otro.

23:13 I Pilato a yama e saserdotenan prinsipal i e gobernantenan i e pueblo huntu,

23:14 i a bisa nan: "Boso a trese e hòmber aki serka mi komo un hende ku ta pèrvèrtí e pueblo, i mira, mi a interogu'E den boso presensia, i mi no a haña ningun kulpa den e hòmber aki di loke boso ta akus'E.

23:15 Ni Herodes tampoko, pasobra el a mand'E bèk pa nos; i mira, E no a hasi nada ku meresé morto.

23:16 Pesei lo mi laga sut'E i dun'E libertat."

23:17 [Awor riba dia di e Fiesta e tabata obligá di duna un prezo libertat pa nan.]

23:18 Ma nan tur a grita pareu, bisando: "Deshasí di djE, i duna Barabas libertat pa nos!"

23:19 E tabata un ku a wòrdu tirá den prizon pa motibu di un revolushon ku a tuma lugá den e stat, i pa motibu di matamentu.

23:20 I Pilato, kende kier a duna Jesus libertat, a dirigí palabra na nan atrobe,

23:21 ma nan a sigui grita, bisando: "Krusifik'E, krusifik'E!"

23:22 I el a bisa nan pa di tres biaha: "Pakiko? Ta ki malu e hòmber aki a hasi? Mi no a haña ningun kulpa den djE ku meresé morto; pesei lo mi laga sut'E i dun'E libertat."

23:23 Ma nan a keda insistí, pidiendo na bos haltu pa E wòrdu krusifiká. I nan gritamentu a prevalesé.

23:24 I Pilato a pronunsiá sentensia ku mester a kumpli ku nan eksigensia.

23:25 I el a duna libertat na e hòmber ku a wòrdu tirá den prizon pa motibu di revolushon i pa motibu di matamentu, esun pa kende nan a pidi, ma el a entregá Jesus na nan boluntat.

23:26 I ora nan a bai kunE, nan a gara un tal Simon di Sirene, kende tabata bin for di kunuku, i a pone e krus riba djé pa e kargu'é tras di Jesus.

23:27 I un gran multitut di hende tabata siguiE, i tambe muhénan ku tabata yor'E i lamentá p'E.

23:28 Ma Jesus a drai wak nan i a bisa: "Yu muhénan di Jerusalèm, no yora pa Mi, ma yora pa boso mes i pa boso yunan.

23:29 Pasobra mira, e dianan ta bin ku hende lo bisa: 'Bendishoná ta esnan ku ta steril i e barikanan ku nunka no a duna lus, i e pechunan ku nunka no a kria yu.'

23:30 E ora ei nan lo kuminsá bisa e serunan: 'Kai riba nos,' i e seritunan: 'Tapa nos.'

23:31 Pasobra si nan ta hasi e kosnan aki ku e palu bèrdè, kiko lo sosodé ku esun seku?"

23:32 I dos otro tambe, kendenan tabata kriminal, nan a hiba pa wòrdu matá huntu kunE.

23:33 I ora nan a yega na e lugá ku yama Kalpachi, nan a krusifik'E ayanan i tambe e kriminalnan, un na man drechi i e otro na man robes.

23:34 I Jesus a bisa: "Tata, pordoná nan, pasobra nan no sa kiko nan ta hasi." I nan a tira lòt i a parti Su pañanan entre nan.

23:35 I e pueblo tabata pará einan ta wak. I asta e gobernantenan tambe tabata hasi bofon di djE, bisando: "El a salba otronan; lagu'E salba Su mes si esaki ta e Cristo di Dios, Su Skohí."

23:36 I e sòldánan tambe tabata hasi bofon di djE i tabata bin serka djE i ofres'E binager,

23:37 bisando: "Si t'Abo ta e Rei di e hudiunan, salba Bo mes!"

23:38 I tabatin un inskripshon skirbí tambe riba Su kabes na lèter griego, latin i hebreo: "ESAKI TA E REI DI E HUDIUNAN."

23:39 I un di e kriminalnan ku a wòrdu kologá einan tabata blasfem'E, bisando: "No ta Abo ta e Cristo? Salba Bo mes i nos!"

23:40 Ma e otro a kontestá i a reprend'é, bisando: "Ni Dios bo no ta teme, siendo ku bo ta bou di e mesun sentensia di kondenashon?

23:41 I nos hustamente, pasobra nos ta risibí loke nos ta meresé di haña pa nos echonan; ma e hòmber aki no a hasi nada malu."

23:42 I el a bisa: "Jesus, kòrda di mi ora Bo yega den Bo reino!"

23:43 I Jesus a bis'é: "Di bèrdat Mi ta bisabo, awe lo bo ta serka Mi den Paraiso."

23:44 I tabata mas o menos diesdos or, i skuridat a baha riba henter e tera te tres or di atardi,

23:45 i solo a bira skur; i e kortina di tèmpel a sker na dos.

23:46 I Jesus, sklamando na bos haltu, a bisa: "Tata, den Bo mannan Mi ta entregá Mi spiritu." I ora ku El a kaba di bisa esaki, El a hala Su último rosea.

23:47 Awor ora ku e senturión a mira kiko a sosodé, el a kuminsá alabá Dios, bisando: "Di bèrdat, e hòmber aki tabata hustu."

23:48 I tur e multitutnan, ku a bin huntu pa mira loke tabata tuma lugá aki, a bai bèk ora nan a mira kiko a sosodé, i tabata bati riba nan pechu.

23:49 I tur Su konosínan i e muhénan, ku tabata siguiE for di Galilea, tabata para na un distansia ta wak e kosnan aki.

23:50 I mira, tabatin un hòmber ku yama Jose, un miembro di Konsilio, un hòmber bon i hustu.

23:51 Esaki no a konsentí den nan plan ni den nan akshon. E tabata for di Arimatea, un stat di e hudiunan, kende tambe tabata spera e reino di Dios.

23:52 E hòmber aki a bai serka Pilato i a pidi e kurpa di Jesus.

23:53 I el a baha e kurpa i a lor'é den un tela di lino, i a pon'E den un tumba ku nan a koba den un baranka, kaminda nunka ningun hende no a wòrdu poní ainda.

23:54 I tabata dia di preparashon, i Sabat tabata bai kuminsá.

23:55 I e muhénan ku a bin huntu kunE for di Galilea a sigui Jose, i a wak e tumba i kon Su kurpa a wòrdu poní aden.

23:56 I nan a bai kas i a prepará spesereinan i perfumenan. I riba dia di Sabat nan a sosegá di akuèrdo ku e mandamentu.

Lukas 22 Lukas 24