Lukas 19

BSNP Edit

Lukas 19

19:1 I Jesus a drenta Jeriko i tabata pasa dor di e stat.

19:2 I mira, tabatin un hòmber ku yama Zakeo, i esaki tabata un kabesante di e publikanonan, i e tabata riku.

19:3 I e tabata trata di mira ken Jesus tabata, i e no tabata por pa motibu di e multitut, pasobra e tabata un hòmber kòrtiku.

19:4 I el a kore bai dilanti i a subi den un palu di sikamor pa por a mir'E, pasobra E tabata bai pasa pa e kaminda ei.

19:5 I ora Jesus a yega na e lugá ei, El a wak ariba i a bis'é: "Zakeo, bah'abou lihé, pasobra awe Mi mester keda na bo kas."

19:6 I el a bah'abou lihé, i a risibiE ku alegria.

19:7 I ora nan a mira esaki, nan tur a kuminsá murmurá, bisando: "El a bai hospedá serka un hòmber pekadó."

19:8 Ma Zakeo a lanta para i a bisa Señor: "Mira, Señor, mitar di mi biennan lo mi duna na pober, i si mi a defroudá kualkier hende den algu, lo mi debolbé kuater bes mas tantu."

G2195 -- Ma Zakeo -> Zaccheus
G2476 -- a lanta para -> stopped
G3004 -- i a bisa -> and said
G2962 -- Señor -> to the Lord
G2400 -- : "Mira -> Behold
G2962 -- , Señor -> Lord
G2255 -- , mitar -> half
G5225 -- di mi biennan -> of my possessions
G1325 -- lo mi duna -> I will give
G4434 -- na pober -> to the poor
G1487 -- , i si -> and if
G4811 -- mi a defroudá -> I have defrauded
G5100 -- kualkier hende -> anyone
G5100 -- den algu -> of anything
G591 -- , lo mi debolbé -> I will give
G591 -- , lo mi debolbé -> back
G5073 -- kuater -> four
G5073 -- bes -> times
G5073 -- mas tantu -> as much

19:9 I Jesus a bis'é: "Awe salbashon a bin na e kas aki, pasobra e tambe ta un yu di Abraham.

19:10 Pasobra e Yu di Hende a bin pa buska i salba loke tabata pèrdí."

19:11 I mientras nan tabata skucha e kosnan aki, El a konta un otro parábola, pasobra E tabata serka di Jerusalèm, i nan tabata suponé ku e reino di Dios tabata bai manifestá su mes unbes.

19:12 Pesei El a bisa: "Un hòmber nobel a bai un tera leu pa risibí un reino pa su mes i despues bolbe.

19:13 I el a yama dies di su esklabunan i a duna nan dies mina i a bisa nan: 'Hasi negoshi te ora mi bin bèk.'

19:14 "Ma su konsiudadanonan tabata odi'é, i a manda un delegashon su tras, bisando: 'Nos no kier pa e hòmber aki reina riba nos.'

19:15 "I a sosodé ku ora el a bolbe, despues di a risibí e reino, el a duna òrdu pa yama e esklabunan aki, na kendenan el a duna e plaka, pa bin serka djé pa e por a haña sa kuantu kada un a gana dor di negoshá.

19:16 "I esun di promé a bin i a bisa: 'Maestro, bo mina a gana dies mina mas.'

19:17 "I el a bis'é: 'Hopi bon, mi bon esklabu; pasobra bo tabata fiel den un kos masha chikitu, tuma outoridat riba dies stat.'

19:18 "I e di dos a bin i a bisa: 'Señor, bo mina a gana sinku mina.'

19:19 "I el a bisa esaki tambe: 'I abo lo manda riba sinku stat.'

19:20 "I un otro a bin i a bisa: 'Señor, ata bo mina ku mi a tene wardá den un lensu;

19:21 pasobra mi tabatin miedu di bo, komo ku bo ta un hende severo; bo ta tuma loke bo no a pone, i ta kosechá loke bo no a sembra.'

19:22 "El a bis'é: 'Segun bo mes palabranan lo mi huzgabo, abo, esklabu malbado. Bo tabata sa ku mi ta un hende severo ku ta tuma loke mi no a pone i ku ta kosechá loke mi no a sembra.

19:23 Pakiko anto bo no a pone e plaka na banko, pa ora mi bin mi lant'é ku interes?'

19:24 "I el a bisa esnan ku tabata pará einan: 'Kita e mina for di djé, i dun'é na esun ku tin e dies minanan.'

19:25 "I nan a bis'é: 'Maestro, e tin dies mina kaba.'

19:26 "Mi ta bisabo, ku na kada un ku tin, mas lo wòrdu duná, ma for di esun ku no tin, asta loke e tin lo wòrdu kitá for di djé.

19:27 Ma e enemigunan di mi aki ku no tabata kier pa mi reina riba nan, trese nan akinan i mata nan mi dilanti."

19:28 I despues ku El a bisa e kosnan aki, E tabata bai nan dilanti, subiendo pa bai Jerusalèm.

19:29 I a sosodé ku ora E tabata yega serka di Bètfage i Betania, pegá ku e seru ku yama Oleifi, El a manda dos di Su disipelnan,

19:30 bisando: "Bai den e pueblito ku ta keda enfrente di boso, i asina ku boso drenta den djé boso lo haña un yu di buriku mará, ku nunka ni un hende no a sinta riba djé ainda; lòs é i tres'é akinan.

19:31 I si un hende puntra boso: 'Pakiko boso ta lòs é?' boso mester kontestá asina: 'Señor tin mester di djé.'"

19:32 I esnan ku a wòrdu mandá a bai, i a hañ'é manera ku El a bisa nan.

19:33 I ora nan tabata lòs e yu di buriku, su doñonan a bisa nan: "Pakiko boso ta lòs e yu di buriku?"

19:34 I nan a bisa: "Señor tin mester di djé."

19:35 I nan a tres'é pa Jesus, i nan a tira nan mantelnan riba e yu di buriku, i a pone Jesus sinta riba djé.

19:36 I segun ku E tabata sigui bai, nan tabata habri nan mantelnan riba kaminda.

19:37 I segun ku E tabata yega mas serka, pegá ku e bahada di Seru di Oleifi, henter e multitut di disipelnan a kuminsá alabá Dios yen di goso i na bos haltu pa tur e milagernan ku nan a mira,

G1448 -- I segun -> As soon
G1448 -- ku E tabata yega mas serka -> as He was approaching
G4314 -- , pegá -> near
G2600 -- ku e bahada -> the descent
G3735 -- di Seru -> of the Mount
G1636 -- di Oleifi -> of Olives
G537a -- , henter -> the whole
G4128 -- e multitut -> crowd
G3101 -- di disipelnan -> of the disciples
G757 -- a kuminsá -> began
G134 -- alabá -> to praise
G2316 -- Dios -> God
G5463 -- yen di goso -> joyfully
G3173 -- i na bos haltu -> with a loud
G5456 -- pa tur -> voice
G3956 -- pa tur -> for all
G1411 -- e milagernan -> the miracles
G3739 -- ku -> which
G3708 -- nan a mira -> they had seen

19:38 bisando: "Bendishoná ta e Rei ku ta bin den e nòmber di SEÑOR;" "Pas den shelu i gloria den e halturanan!"

19:39 I algun di e fariseonan den e multitut a bis'E: "Maestro, reprendé Bo disipelnan."

19:40 I El a kontestá i a bisa: "Mi ta bisa boso, si esakinan keda ketu, e piedranan lo grita!"

19:41 I ora ku El a yega mas serka i a mira e stat, El a yora pa su motibu,

19:42 bisando: "Ai, si bo tabata sa riba e dia aki, abo mes, kiko ta trese pas pa bo! Ma awor nan ta skondí pa bo wowo.

19:43 Pasobra e dianan lo bin pa bo ku bo enemigunan lo lanta un baluarte rònt di bo, i rondonábo i serabo aden di tur banda,

19:44 i bashabo abou na suela i bo yunan denter di bo, i nan lo no laga den bo ni un piedra riba otro, pasobra bo no a kòrda e tempu ku Dios a bishitábo."

19:45 I El a bai den tèmpel i a kuminsá kore ku esnan ku tabata bende, saka nan afó,

19:46 bisando nan: "Ta pará skirbí: 'Mi kas lo ta un kas di orashon,' ma boso a hasié un kueba di ladron."

19:47 I E tabata siña hende tur dia den tèmpel; ma e saserdotenan prinsipal i e eskribanan i e kabesantenan di e pueblo tabata buska pa destruiE,

19:48 ma nan no por a haña nada ku nan por a hasi, pasobra henter e pueblo tabata skucha Su palabranan ku masha atenshon.

Lukas 18 Lukas 20