Yozue 12
12:1
Awor esakinan ta e reinan di e tera ku e yunan di Israel a derotá, i kende nan tera nan a poderá di djé na e otro banda di Jordan den direkshon di kaminda solo ta sali, for di e vaye di Arnon te na Seru Hermon, i henter Arabá bai pariba:
12:2
Sehon, rei di e amoreonan, kende tabata biba na Hesbon, i tabata goberná for di Aroer ku ta keda na rant di e vaye di Arnon, tantu e sentro di e vaye i mitar di Galaad, te na Riu Jabòk, e frontera di e yu hòmbernan di Amon;
12:3
i Arabá te na e laman di Kineret den direkshon pariba, i te na e laman di Arabá, Laman Salu, bai pariba, den direkshon di Bèt-jesimot, i parti pasùit, na pia di e bahadanan di Pisga;
12:4
i e teritorio di Og, rei di Basan, un di e restantenan di Refaim, kende tabata biba na Astarot i na Edrei,
12:5
i tabata goberná Seru Hermon i Salka i henter Basan, te na e frontera di e gesuritanan i e maakatitanan, i mitar di Galaad, te na e frontera di Sehon, rei di Hesbon.
12:6
Moisés, e sirbidó di SEÑOR, i e yunan di Israel a derotá nan; i Moisés, e sirbidó di SEÑOR, a duna esaki komo propiedat na e rubenitanan i e gaditanan i na e mitar tribu di Manasés.
12:7
Awor esakinan ta e reinan di e tera ku Josué i e yunan di Israel a derotá na e otro banda di Jordan den direkshon pabou, for di Baal-gad den e vaye di Líbano te na Seru Halak, ku ta subi bai den direkshon di Seir; i Josué a duna esaki na e tribunan di Israel komo nan propiedat, segun nan divishonnan,
12:8
den e serunan, den e vayenan, den Arabá, riba e bahadanan i den desierto i den Negèv--e heteo, e amoreo i e kananeo, e ferezeo, e heveo i e jebuseo:
12:9
rei di Jeriko, un; rei di Ai, ku ta keda banda di Bèt-èl, un;
12:10
rei di Jerusalèm, un; rei di Hebròn, un;
12:11
rei di Jarmut, un; rei di Lakis, un;
12:12
rei di Eglon, un; rei di Gezer, un;
12:13
rei di Debir, un; rei di Geder, un;
12:14
rei di Horma, un; rei di Arad, un;
12:15
rei di Libna, un; rei di Adulam, un;
12:16
rei di Makeda, un; rei di Bèt-èl, un;
12:17
rei di Tapúa, un; rei di Hefer, un;
12:18
rei di Afek, un; rei di Lasaron, un;
12:19
rei di Madon, un; rei di Hazor, un;
12:20
rei di Simron-meron, un; rei di Aksaf, un;
12:21
rei di Taanak, un; rei di Meguido, un;
12:22
rei di Kedes, un; rei di Jokneam na Karmelo, un;
12:23
rei di Dor, den e serunan di Dor, un; rei di Goím na Gilgal, un;
12:24
rei di Tirsa, un: trint'i un rei na tur.