Huan 13

BSNP Edit

Huan 13

13:1 Awor promé ku e Fiesta di Pasku, Jesus, sabiendo ku Su ora a yega ku E mester a laga e mundu aki i bai serka e Tata, a mustra esnan di djE ku tabata den mundu ku El a stima nan te na fin.

G1161 -- Awor -> Now
G4253 -- promé ku -> before
G1859 -- e Fiesta -> the Feast
G3957 -- di Pasku -> of the Passover
G2424 -- , Jesus -> Jesus
G3609a -- sabiendo -> knowing
G5610 -- ku Su ora -> that His hour
G2064 -- a yega -> had come
G3327 -- ku E mester a laga -> that He would depart
G3778 -- e mundu aki -> out of this
G2889 -- mundu -> world
G3962 -- serka e Tata -> to the Father
G25 -- a mustra -> having loved
G2398 -- esnan di djE -> His own
G3588 -- ku -> who
G2889 -- tabata den mundu -> were in the world
G25 -- El a stima -> He loved
G5056 -- nan te na fin -> them to the end

13:2 I durante di e sena, ora diabel ya kaba a hinka den kurason di Judas Iskariot, yu hòmber di Simon, pa traishon'E,

13:3 Jesus, sabiendo ku e Tata a dun'E tur kos den Su man, i ku El a bin for di Dios, i tabata bai bèk serka Dios,

13:4 a lanta for di sena, i a pone Su paña djariba un banda, i a kohe un sèrbètè i a mar'é na Su sintura.

13:5 Despues El a basha awa den un punchero, i a kuminsá laba pia di Su disipelnan, i seka nan ku e sèrbètè ku E tabatin mará na Su sintura.

13:6 Asina El a yega serka Simon Pedro. I Pedro a bis'E: "Señor, Abo ta laba mi pia?"

13:7 Jesus a kontestá i a bis'é: "Loke Mi ta hasi bo no ta komprendé awor, ma despues lo bo komprendé."

13:8 Pedro a bis'E: "Hamas lo Bo no laba mi pia!" Jesus a kontest'é: "Si Mi no lababo, bo no tin parti ku Mi."

13:9 Simon Pedro a bis'E: "Señor, no mi pianan so, ma tambe mi mannan i mi kabes!"

13:10 Jesus a bis'é: "Esun ku a baña mester laba su pia so, pasobra e ta kompletamente limpi; i boso ta limpi, ounke no tur."

13:11 Pasobra E tabata sa ta ken tabata bai traishon'E; pa e motibu aki El a bisa: "No ta boso tur ta limpi."

13:12 I asina, ora ku El a kaba di laba nan pia i a bisti Su paña, i a bolbe sinta na mesa, El a bisa nan: "Boso sa kiko Mi a hasi ku boso?

13:13 Boso ta yamaMi Maestro i Señor; i boso tin rason, pasobra esei Mi ta.

13:14 Si Ami anto, e Señor i Maestro, a laba boso pia, boso tambe mester laba pia di otro.

13:15 Pasobra Mi a duna boso un ehèmpel, pa boso tambe hasi manera Ami a hasi ku boso.

13:16 Di bèrdat, di bèrdat, Mi ta bisa boso, un esklabu no ta mas ku su shon; ni esun ku a wòrdu mandá no ta mas ku esun ku a mand'é.

13:17 Si boso sa e kosnan aki, boso ta bendishoná si boso hasi nan.

13:18 "Mi no ta papia di boso tur. Mi konosé esnan ku Mi a skohe; ma ta pa e Skritura wòrdu kumplí: 'Esun ku ta kome Mi pan a lanta su hilchi kontra Mi.'

13:19 "For di awor kaba Mi ta bisa boso promé ku e sosodé, pa ora ku e sosodé, boso por kere ku ta Ami t'E.

13:20 Di bèrdat, di bèrdat, Mi ta bisa boso, ken ku risibí esun ku Mi manda, ta Ami e ta risibí; i ken ku risibíMi ta risibí Esun ku a mandaMi."

13:21 Despues ku Jesus a kaba di bisa esaki, El a bira intrankil den spiritu i a duna testimonio, bisando: "Di bèrdat, di bèrdat, Mi ta bisa boso, ku un di boso lo traishonáMi."

13:22 E disipelnan a kuminsá wak otro, sin por a sak'afó ta di kual di nan E tabata papia.

13:23 Anto un di Su disipelnan, esun ku Jesus tabata stima, tabata lèn na Jesus Su pechu.

13:24 Pesei Simon Pedro a hasi seña kuné i a bis'é: "Bisa nos ta ken t'esun ku E ta papia di djé."

13:25 Esaki a bolbe lèn na Jesus Su pechu i a puntr'E: "Señor, ta ken e ta?"

13:26 E ora ei Jesus a kontestá: "Esun ku Mi duna e pida pan ku Mi dòp, esei t'é." Asina anto, ora ku El a dòp e pida pan, El a koh'é duna Judas, yu hòmber di Simon Iskariot.

13:27 I despues ku Judas a tuma e pida pan, Satanás a drenta den djé. Anto Jesus a bis'é: "Loke bo tin di hasi, hasié lihé."

13:28 Ma ni un di esnan sintá na mesa no a komprendé pakiko El a bis'é esei.

13:29 Pasobra algun di nan tabata suponé ku ta pasobra Judas tabatin e kaha di plaka, Jesus a bis'é: "Kumpra loke nos tin mester pa e Fiesta", òf ku e mester a duna algu na e pobernan.

G5100 -- Pasobra algun -> For some
G1380 -- tabata suponé -> were supposing
G1893 -- ku ta pasobra -> because
G2455 -- Judas -> Judas
G2192 -- tabatin -> had
G1101 -- e kaha di plaka -> the money
G1101 -- e kaha di plaka -> box
G2424 -- Jesus -> that Jesus
G3004 -- a bis'é -> was saying
G59 -- a bis'é: "Kumpra -> to himBuy
G2192 -- loke nos tin -> the things we have
G5532 -- mester -> need
G1859 -- pa e Fiesta -> of for the feast
G2228 -- ", òf -> or
G2228 -- òf -> else
G1325 -- ku e mester a duna -> that he should give
G5100 -- algu -> something
G4434 -- na e pobernan -> to the poor

13:30 I asina, despues di a tuma e pida pan, el a sali bai mesora; i tabata nochi.

13:31 Anto ora ku el a sali, Jesus a bisa: "Awor e Yu di Hende ta glorifiká, i Dios ta glorifiká den djE;

13:32 si Dios ta glorifiká den djE, Dios tambe lo glorifik'E den Su mes, i lo glorifik'E mesora.

13:33 "Mucha chikitunan, un poko tempu mas Mi ta serka boso. Boso lo buskaMi; i manera Mi a bisa e hudiunan, Mi ta bisa boso awor tambe: 'Kaminda Ami ta bai, boso no por bin.'

13:34 "Un mandamentu nobo Mi ta duna boso, pa boso stima otro, i meskos ku Ami a stima boso, pa boso tambe stima otro.

13:35 Na esaki tur hende lo sa ku boso ta Mi disipel, si boso tin amor un pa otro."

13:36 Simon Pedro a bis'E: "Señor, unda Bo ta bai?" Jesus a kontestá: "Kaminda Ami ta bai, bo no por siguiMi awor; ma lo bo sigui despues."

13:37 Pedro a puntr'E: "Señor, pakiko mi no por siguiBo awor aki mes? Lo mi duna mi bida pa Bo."

13:38 Jesus a kontestá: "Lo bo duna bo bida pa Mi? Di bèrdat, di bèrdat, Mi ta bisabo, gai lo no kanta promé ku bo a nengaMi tres biaha.

Huan 12 Huan 14