Huan 11

BSNP Edit

Huan 11

11:1 Awor tabatin un hòmber malu, Lázaro di Betania, di e pueblito di Maria i su ruman muhé Marta.

11:2 I tabata e Maria ei ku a hunta pia di Señor ku perfume i a seka Su pianan ku su kabei, kende su ruman hòmber Lázaro tabata malu.

11:3 Pesei e ruman muhénan a manda bis'E: "Señor, ata esun ku Bo ta stima ta malu."

11:4 Ma ora Jesus a tende esaki, El a bisa: "E malesa aki no ta pa morto, ma pa e gloria di Dios, pa e Yu di Dios por wòrdu glorifiká dor di djé."

11:5 Awor Jesus tabata stima Marta i su ruman muhé i Lázaro.

11:6 Anto ora ku El a tende ku Lázaro tabata malu, El a keda dos dia mas na e lugá ku E tabata.

11:7 Anto despues El a bisa Su disipelnan: "Laga nos bai Judea atrobe."

11:8 E disipelnan a bis'E: "Rabi, poko dia pasá e hudiunan tabata buska pa piedraBo, i Bo ta bai ayanan atrobe?"

11:9 Jesus a kontestá: "No ta diesdos ora e dia tin? Si un hende kana di dia, e no ta trompeká, pasobra e ta mira e lus di e mundu aki.

11:10 Ma si un hende kana anochi, e ta trompeká, pasobra e lus no ta den djé."

11:11 Esaki El a papia i despues El a bisa nan: "Nos amigu Lázaro a pega soño, ma Ami ta bai pa Mi lant'é for di soño."

11:12 Anto e disipelnan a bis'E: "Señor, si el a pega soño, e lo bira bon."

11:13 Awor Jesus tabata papia di su morto, ma nan a kere ku E tabata papia di e sosiegu di soño.

11:14 E ora ei Jesus a bisa nan bon kla: "Lázaro a muri,

11:15 i pa boso motibu Mi ta kontentu ku Mi no tabata ayanan, pa boso por kere; ma laga nos bai serka djé."

11:16 E ora ei Tomas, kende ta wòrdu yamá Dídimo, a bisa e otro disipelnan: "Laga nos tambe bai, pa nos muri huntu kunE."

11:17 Pues, ora Jesus a yega El a haña ku Lázaro tabatin kuater dia kaba den tumba.

11:18 Awor Betania tabata serka di Jerusalèm, na mas o menos tres kilometer di distansia;

11:19 i hopi di e hudiunan a bin serka Marta i Maria pa konsolá nan enkuanto nan ruman hòmber.

11:20 Awor Marta, ora ku el a tende ku Jesus tabata biniendo, a sali kontr'E; ma Maria a keda sinta den kas.

11:21 Anto Marta a bisa Jesus: "Señor, si Bo tabata akinan, mi ruman hòmber lo no a muri.

11:22 Awor mi sa tambe ku tur loke Bo pidi Dios, Dios lo dunaBo."

11:23 Jesus a bis'é: "Bo ruman hòmber lo lanta."

11:24 Marta a bis'E: "Mi sa ku e lo lanta den e resurekshon riba e último dia."

11:25 Jesus a bis'é: "Ami ta e resurekshon i e bida; esun ku kere den Mi lo biba, maske e muri,

11:26 i tur esnan ku ta biba i ta kere den Mi lo no muri nunka. Bo ta kere esaki?"

11:27 El a bis'E: "Sí, Señor, mi a kere ku Bo ta e Cristo, e Yu di Dios, Esun ku mester bin den mundu."

11:28 I ora ku Marta a kaba di bisa esaki, el a bai i a yama su ruman Maria, i a bis'é ketu-ketu: "E Maestro t'aki, i E ta yamabo."

11:29 I ora Maria a tende esaki, el a lanta mesora, i a bai serka djE.

11:30 Awor Jesus no a yega na e pueblito ainda, ma tabata na e lugá ainda kaminda Marta a topa kunE.

11:31 E ora ei e hudiunan ku tabata den kas serka Maria i ku tabata konsol'é, ora nan a mir'é bula lanta i sali bai, nan a siguié, keriendo ku e tabata bai na e tumba pa yora ayanan.

11:32 Ora Maria a yega kaminda Jesus tabata, i a mir'E, el a tira su kurpa abou na Su pia i a bis'E: "Señor, si Bo tabata akinan, mi ruman hòmber lo no a muri."

11:33 Anto ora Jesus a mir'é ta yora, i e hudiunan ku a bin huntu kuné tambe ta yora, El a bira profundamente konmoví den spiritu i masha emoshoná,

11:34 i a bisa: "Unda boso a pon'é?" Nan a bis'E: "Señor, bin mira."

11:35 Jesus a yora.

11:36 I pesei e hudiunan tabata bisa: "Mira kon E tabata stim'é!"

11:37 Ma algun di nan a bisa: "E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri?"

G5100 -- Ma algun -> But some
G3004 -- di nan a bisa -> of them said
G1410 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> Could
G3778 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> not this
G3778 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> man
G455 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> who opened
G3788 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> the eyes
G5185 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> of the blind
G3778 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> man
G4160 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> have
G4160 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> kept
G3778 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> this
G3778 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> man
G2532 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> also
G599 -- E Hòmber aki ku a habri wowo di esun ku tabata siegu, no por a hasi tambe ku e hòmber aki no a muri? -> from dying

11:38 E ora ei Jesus, profundamente konmoví atrobe, a yega na e tumba. Awor esaki tabata un kueba i tabatin un piedra poní na su entrada.

11:39 Jesus a bisa: "Kita e piedra." Marta, ruman muhé di esun ku a muri, a bis'E: "Señor, ya e mester ta hole malu kaba, pasobra e tin kuater dia morto."

11:40 Jesus a bis'é: "Mi no a bisabo, si bo kere, lo bo mira e gloria di Dios?"

11:41 Anto nan a kita e piedra. I Jesus a hisa kara wak ariba i a bisa: "Tata, Mi ta gradisíBo ku Bo a tendeMi.

11:42 I Mi tabata sa ku Bo ta tendeMi semper; ma pa motibu di e pueblo ku ta pará rònt di Mi, Mi a bisa esaki, pa nan kere ku ta Abo a mandaMi."

11:43 I despues ku El a bisa e kosnan aki, El a yama na bos haltu: "Lázaro, bin pafó!"

11:44 I esun ku a muri a bin pafó, ku su mannan i pianan lorá den paña di graf, i tabatin un lensu lorá rònt di su kara. Jesus a bisa nan: "Lòs é i lagu'é bai."

G2348 -- I esun ku a muri -> The man who had died
G1831 -- a bin -> came
G1831 -- pafó -> forth
G1210 -- ku su mannan i pianan lorá den paña di graf, i tabatin un lensu lorá rònt di su kara. -> bound
G5495 -- ku su mannan i pianan lorá den paña di graf, i tabatin un lensu lorá rònt di su kara. -> hand
G4228 -- ku su mannan i pianan lorá den paña di graf, i tabatin un lensu lorá rònt di su kara. -> and foot
G2750 -- ku su mannan i pianan lorá den paña di graf, i tabatin un lensu lorá rònt di su kara. -> with wrappings
G3799 -- ku su mannan i pianan lorá den paña di graf, i tabatin un lensu lorá rònt di su kara. -> and his face
G4019 -- ku su mannan i pianan lorá den paña di graf, i tabatin un lensu lorá rònt di su kara. -> was wrapped
G4019 -- ku su mannan i pianan lorá den paña di graf, i tabatin un lensu lorá rònt di su kara. -> around
G4676 -- ku su mannan i pianan lorá den paña di graf, i tabatin un lensu lorá rònt di su kara. -> with a cloth
G2424 -- Jesus -> . Jesus
G3004 -- a bisa -> said

11:45 Pesei hopi di e hudiunan, ku a bin serka Maria i ku a mira loke El a hasi, a kere den djE.

11:46 Ma algun di nan a bai serka e fariseonan i a konta nan e kosnan ku Jesus a hasi.

11:47 Pesei, e saserdotenan prinsipal i e fariseonan a konvoká un konsilio, i tabata bisa: "Kiko nos ta hasi? Pasobra e hòmber aki ta hasi hopi milager.

11:48 Si nos lagu'E sigui asina, tur hende lo kere den djE, i e romanonan lo bin i kita tantu nos lugá komo nos nashon."

11:49 Ma ún di nan, Kaifas, kende tabata sumosaserdote e aña ei, a bisa nan: "Boso no sa nada,

11:50 ni boso no ta realisá ku ta kumbiní boso pa ún hende muri pa e pueblo, i no ku henter e nashon peresé."

11:51 Ma esaki e no a bisa di su mes, ma siendo sumosaserdote e aña ei, el a profetisá ku Jesus tabata bai muri pa e nashon,

11:52 i no pa e nashon so, ma tambe pa E por reuní e yunan di Dios ku ta plamá tur parti, hasi nan ún.

11:53 Pesei for di e dia ei nan tabata plania huntu pa mat'E.

11:54 Jesus anto no a kana públikamente mas meimei di e hudiunan, ma a bai for di einan na e region pegá ku e desierto, na un stat ku yama Efrain; i El a keda ayanan ku e disipelnan.

G3767 -- Jesus anto -> Therefore
G2424 -- Jesus -> Jesus
G3765 -- no -> no
G3765 -- mas -> longer
G4043 -- a kana -> continued to walk
G3954 -- públikamente -> publicly
G1722 -- meimei -> among
G2453 -- di e hudiunan -> the Jews
G565 -- ma a bai -> but went
G565 -- bai -> away
G1564 -- for di einan -> from there
G5561 -- na e region -> to the country
G1451 -- pegá -> near
G2048 -- ku e desierto -> the wilderness
G4172 -- , na un stat -> into a city
G3004 -- ku yama -> called
G2187 -- Efrain -> Ephraim
G2546 -- ; i El -> and there
G3306 -- a keda -> He stayed
G3101 -- ayanan ku e disipelnan -> with the disciples

11:55 Awor Pasku di e hudiunan tabata serka, i hopi hende di e pais a bai Jerusalèm promé ku Pasku, pa purifiká nan mes.

11:56 Anto nan tabata buska Jesus i, pará den tèmpel, nan tabata bisa otro: "Kiko boso ta pensa? E lo bin e Fiesta, sí òf nò?"

11:57 Awor e saserdotenan prinsipal i e fariseonan a duna òrdu ku si tin un hende ku sa unda E tabata, e mester reportá esaki, pa nan por gar'E.

Huan 10 Huan 12