Yeremias 7

BSNP Edit

Yeremias 7

7:1 E palabra di SEÑOR ku a yega na Jeremias, bisando:

7:2 "Para na entrada di e kas di SEÑOR i proklamá ayanan e palabra aki, i bisa: 'Tende e palabra di SEÑOR, boso tur di Juda ku ta pasa dor di e entradanan aki pa bin adorá SEÑOR!'"

7:3 Asina e SEÑOR di ehérsitonan, e Dios di Israel, ta bisa: "Koregí boso kondukta i boso echonan, i lo Mi laga boso biba den e lugá aki.

7:4 No konfia den palabranan engañoso ku ta bisa: 'Esaki ta e tèmpel di SEÑOR, e tèmpel di SEÑOR, e tèmpel di SEÑOR.'

7:5 Pasobra si di bèrdat boso koregí boso kondukta i boso echonan, si di bèrdat boso praktiká hustisia un ku otro,

7:6 si boso no oprimí e stranhero, e wérfano òf e biuda, i no drama sanger inosente den e lugá aki, ni sigui tras di otro diosnan, pa no perhudiká boso mes,

7:7 e ora ei Ami lo laga boso biba den e lugá aki, den e tera ku Mi a duna boso tatanan pa semper i semper.

7:8 Mira, boso ta konfia den palabranan engañoso ku no ta di probecho.

7:9 "Boso kier hòrta, mata, kometé adulterio, hasi huramentu falsu i ofresé sakrifisionan na Baal, i sigui tras di otro diosnan ku boso no tabata konosé,

7:10 anto bin para Mi dilanti den e kas aki ku ta wòrdu yamá na Mi nòmber, i bisa: 'Nos a wòrdu librá!'--pa asina boso por hasi tur e abominashonnan aki?

7:11 E kas aki, ku ta wòrdu yamá na Mi nòmber, a bira un kueba di ladron den boso bista? Mira, Ami, Ami mes a mira esaki," SEÑOR ta bisa.

7:12 "Ma bai awor na Mi lugá ku tabata keda na Silo, kaminda na prinsipio Mi a stablesé Mi nòmber, i mira kiko Mi a hasi kuné pa motibu di e maldat di Mi pueblo Israel.

7:13 I awor, pasobra boso a hasi tur e kosnan aki," SEÑOR ta deklará, "i Mi a papia ku boso, a lanta tur dia tempran papia ku boso, ma boso no a tende, i Mi a yama boso, ma boso no a kontestá,

7:14 pesei lo Mi hasi ku e kas ku ta wòrdu yamá na Mi nòmber, den kual boso ta konfia, i ku e lugá ku Mi a duna boso i boso tatanan, manera Mi a hasi ku Silo.

7:15 Lo Mi tira boso for di Mi bista, manera Mi a hasi ku tur boso rumannan, henter e desendensia di Efrain.

7:16 "I pa loke t'abo, no hasi orashon pa e pueblo aki, no roga ni supliká pa nan, i no bin intersedé serka Mi, pasobra Mi no ta tendebo.

7:17 Bo no ta mira kiko nan ta hasi den e statnan di Juda i den e kayanan di Jerusalèm?

7:18 E muchanan ta piki palu i e tatanan ta pega kandela, i e muhénan ta prepará mansa pa traha bolo pa e reina di shelu; nan ta basha ofrendanan di bibida pa otro diosnan, pa probokáMi.

H1121 -- E muchanan -> The children
H3950 -- ta piki -> gather
H6086 -- palu -> wood
H1 -- i e tatanan -> and the fathers
H1197a -- ta pega -> kindle
H784 -- kandela -> the fire
H802 -- i e muhénan -> and the women
H3888 -- ta prepará -> knead
H1217 -- mansa -> dough
H6213a -- pa traha -> to make
H3561 -- bolo -> cakes
H4446 -- pa e reina -> for the queen
H8064 -- di shelu -> of heaven
H5258a -- nan ta basha -> ] pour
H5262a -- ofrendanan di bibida -> out drink
H312 -- pa otro -> to other
H430 -- diosnan -> gods
H4616 -- pa -> in order
H3707 -- probokáMi -> to spite

7:19 Ta Ami nan ta proboká?" SEÑOR ta puntra. "No ta nan mes nan ta proboká, pa nan mes bèrguensa?"

7:20 Pesei, asina Señor DIOS ta bisa: "Ata, Mi rabia i Mi furia lo wòrdu dramá riba e lugá aki, riba hende i riba bestia, riba e palunan di kunuku i riba e fruta di tera; esei lo kima sin wòrdu pagá."

H3651 -- Pesei -> Therefore
H3541 -- asina -> thus
H559 -- ta bisa -> says
H136 -- Señor -> the Lord
H2009 -- Ata -> Behold
H639 -- Mi rabia -> My anger
H2534 -- i Mi furia -> and My wrath
H5413 -- lo wòrdu dramá -> will be poured
H2088 -- riba e -> out on this
H4725 -- lugá aki -> place
H120 -- riba hende -> on man
H929 -- i riba bestia -> and on beast
H6086 -- riba e palunan -> and on the trees
H7704 -- di kunuku -> of the field
H6529 -- i riba e fruta -> and on the fruit
H127 -- di tera -> of the ground
H1197a -- esei lo kima -> and it will burn
H3518 -- sin wòrdu pagá -> and not be quenched

7:21 Asina e SEÑOR di ehérsitonan, e Dios di Israel, ta bisa: "Pone boso ofrendanan kimá huntu ku boso sakrifisionan i kome karni.

7:22 Pasobra Mi no a papia ku boso tatanan, ni a duna mandamentu tokante di ofrendanan kimá i sakrifisionan dia ku Mi a saka nan for di tera di Egipto.

7:23 Ma esaki ta loke Mi a ordená nan, bisando: 'Obedesé Mi bos i lo Mi ta boso Dios i boso lo ta Mi pueblo; i boso lo kana den henter e kaminda ku Mi ta ordená boso, pa bai bon ku boso.'

7:24 Sinembargo, nan no a obedesé ni a inkliná nan orea, ma a kana segun nan mes konseho i den e kapricho di nan kurason malbado, i nan a bai atras i no dilanti.

7:25 For di e dia ku boso tatanan a sali for di tera di Egipto te dia djawe, Mi a manda tur Mi sirbidónan, e profetanan, serka boso, a lanta tur dia tempran manda nan.

7:26 Sinembargo, nan no a tende na Mi, ni a inkliná nan orea, ma a hasi nan nèk steif. Nan a hasi mas maldat ku nan tatanan.

7:27 "I abo lo papia tur e palabranan aki ku nan, ma nan lo no tende na bo. Lo bo yama nan, ma nan lo no kontestábo.

7:28 I lo bo bisa nan: 'Esaki ta e nashon ku no a obedesé e bos di SEÑOR nan Dios, ni a aseptá korekshon. Bèrdat a peresé i a wòrdu kitá for di nan boka.

7:29 Kòrta kita bo kabei tir'afó, i kuminsá un lamentashon riba e halturanan pelon; pasobra SEÑOR a rechasá i a bandoná e generashon di Su furia.'

7:30 "Pasobra e yunan di Juda a hasi loke ta malu den Mi bista," SEÑOR ta deklará. "Nan a pone nan kosnan repugnante den e kas ku ta wòrdu yamá na Mi nòmber, pa kontamin'é.

7:31 I nan a lanta e lugánan haltu di Tofet, ku ta keda den Vaye di Bèn-hinom, pa kima nan yu hòmbernan i nan yu muhénan den kandela, loke Mi no a ordená, ni a bin den Mi pensamentu.

7:32 Pesei, ata, e dianan ta bin," SEÑOR ta deklará, "ku esaki lo no wòrdu yamá Tofet, ni Vaye di Bèn-hinom mas, ma Vaye di Matansa; pasobra nan lo dera hende den Tofet, pasobra no tin otro lugá.

H3651 -- Pesei -> Therefore
H2009 -- , ata -> behold
H3117 -- , e dianan -> days
H935 -- ta bin -> are coming
H5002 -- ," SEÑOR ta deklará -> declares
H3808 -- , "ku esaki lo no -> when it will no
H5750 -- wòrdu yamá -> longer
H559 -- wòrdu yamá -> be called
H8612 -- Tofet -> Topheth
H1516 -- , ni Vaye -> or the valley
H1121 -- di Bèn-hinom -> of the son
H2011 -- di Bèn-hinom -> of Hinnom
H1516 -- mas, ma Vaye -> but the valley
H2028 -- di Matansa -> of the Slaughter
H6912 -- ; pasobra nan lo dera -> for they will bury
H8612 -- hende den Tofet -> in Topheth
H4480 -- , pasobra -> because
H369 -- no tin -> there
H369 -- no tin -> is no
H4725 -- otro lugá -> ] place

7:33 I e kadavernan di e pueblo aki lo bira kuminda pa e parhanan di shelu i pa e bestianan di mondi; i ningun hende lo no spanta nan pa nan bai.

7:34 E ora ei lo Mi pone un fin na e bos di goso i e bos di alegria, e bos di brùidehòm i e bos di brùit den e statnan di Juda i den e kayanan di Jerusalèm; pasobra e tera lo bira un ruina.

Yeremias 6 Yeremias 8