Isaias 56

BSNP Edit

Isaias 56

56:1 Asina SEÑOR ta bisa: "Mantené huisio i hasi hustisia, pasobra Mi salbashon ta serka di bin, i Mi hustisia ta serka di wòrdu revelá.

56:2 Bendishoná ta e hende ku ta hasi esaki, i e yu di hende ku ta tene na djé, ku ta warda dia di sabat pa e no profan'é, i ta wanta su man pa no hasi malu."

56:3 No laga e stranhero ku a uni su mes ku SEÑOR bisa: "Siguramente SEÑOR lo separámi for di Su pueblo." Ni laga e eunuko bisa: "Mira, mi ta un palu seku."

56:4 Pasobra asina SEÑOR ta bisa: "E eunukonan ku ta warda Mi sabatnan, ku ta skohe loke ta agradáMi, i ta tene firme na Mi aliansa,

56:5 eseinan lo Mi duna un rekuèrdo den Mi kas i paden di Mi murayanan, i un nòmber ku ta mihó ku esun di yu hòmbernan i yu muhénan; lo Mi duna nan un nòmber etèrno ku lo no wòrdu kòrtá kitá afó.

56:6 Tambe e stranheronan ku uni nan mes ku SEÑOR, pa sirbiE, i pa stima e nòmber di SEÑOR, pa ta Su sirbidónan, kada un ku no ta profaná dia di sabat, i ta tene firme na Mi aliansa,

56:7 eseinan lo Mi hiba na Mi seru santu, i lo Mi hasi nan kontentu den Mi kas di orashon. Nan ofrendanan kimá i nan sakrifisionan lo ta aseptabel riba Mi altar, pasobra Mi kas lo wòrdu yamá kas di orashon pa tur e pueblonan."

H935 -- eseinan lo Mi hiba -> Even those I will bring
H6944 -- na Mi seru santu -> to My holy
H2022 -- seru -> mountain
H8055 -- i lo Mi hasi -> And make
H8055 -- nan kontentu -> them joyful
H1004 -- den Mi kas -> in My house
H8605 -- di orashon -> of prayer
H5930a -- Nan ofrendanan kimá -> . Their burnt
H5930a -- ofrendanan -> offerings
H2077 -- i nan sakrifisionan -> and their sacrifices
H7522 -- lo ta aseptabel -> will be acceptable
H4196 -- riba Mi altar -> on My altar
H1004 -- pasobra Mi kas -> For My house
H7121 -- lo wòrdu yamá -> will be called
H1004 -- kas -> a house
H8605 -- di orashon -> of prayer
H3605 -- pa tur -> for all
H5971a -- e pueblonan -> the peoples

56:8 Señor DIOS, Kende ta reuní esnan plamá di Israel, ta deklará: "Ainda lo Mi reuní otronan huntu ku nan, fuera di esnan ku ya ta reuní kaba."

56:9 Boso, tur bestia di sabana i boso, tur bestia di mondi-será, bin kome.

56:10 Su guardianan ta siegu, ni un di nan no sa nada. Nan tur ta kachó mudo ku no por blaf; nan ta hende ku ta drumi abou, blo soña numa, nan ta gusta drumi;

56:11 i e kachónan ta golos, nunka nan no tin basta. Nan ta wardadó di karné ku no tin komprendementu; nan tur a kohe nan mes kaminda, kada un ta buska su ganashi inhustu, delaster un di nan.

56:12 "Ban," nan ta bisa, "laga nos ban buska biña; laga nos bebe nos barika yen ku bibida stèrki; i mañan lo ta manera awe, muchu mas mihó ainda."

Isaias 55 Isaias 57