Isaias 48

BSNP Edit

Isaias 48

48:1 "Tende esaki, O kas di Jakòb, ku ta karga e nòmber Israel, i ku ta bin for di e lomo di Juda, ku ta hura pa e nòmber di SEÑOR, i ta invoká e Dios di Israel, ma no den bèrdat ni den hustisia.

48:2 Pasobra nan ta yama nan mes siudadano di e stat santu, i ta dependé di e Dios di Israel; e SEÑOR di ehérsitonan ta Su nòmber.

48:3 Mi a konta e kosnan di antes hopi tempu pasá kaba; nan a sali for di Mi boka i Mi a proklamá nan. Direpiente Mi a aktua, i nan a sosodé.

48:4 Pasobra Mi sa ku bo ta kabesura, i bo nèk ta un bara di heru, i bo frenta ta di bròns.

48:5 Pesei Mi a kontabo di nan hopi tempu pasá. Promé ku nan a sosodé Mi a proklamá nan na bo, pa bo no bisa: 'Mi ídolo a hasi esakinan, i mi imagen grabá i mi imagen bashá a ordená nan.'

48:6 Bo a tende i a mira tur esaki. I abo, lo bo no deklará esaki? "For di awor padilanti Mi ta proklamá kosnan nobo na bo, kosnan skondí, ku bo no tabata sa.

48:7 Ta awor nan a wòrdu kreá i no hopi tempu pasá; i promé ku awe bo no a tende di nan, pa bo no bisa: 'Mira, mi tabata sa di nan.'

48:8 Bo no a tende, bo no tabata sa. For di tempunan aya bo orea no tabata habrí, pasobra Mi tabata sa ku lo bo a trata ku traishon; i for di bo nasementu bo a wòrdu yamá rebelde.

48:9 Pa kousa di Mi nòmber Mi ta tarda ku Mi furia, i pa motibu di Mi alabansa Mi ta want'é pa bo, pa no kaba ku bo.

48:10 Mira, Mi a refinábo, ma no manera plata; Mi a probabo den e fòrnu di aflikshon.

48:11 Pa motibu di Mi mes, pa motibu di Mi mes lo Mi aktua. Kon Mi por laga Mi nòmber wòrdu profaná? I Mi gloria lo Mi no duna na un otro.

48:12 "SkuchaMi, O Jakòb, i abo, Israel, ku Mi a yama; ta Ami t'E, Ami ta e promé, Ami ta e último tambe.

48:13 Siguramente Mi man a funda tera, i Mi man drechi a span e shelunan; ora Mi yama nan, nan ta para huntu.

48:14 "Boso tur, reuní i skucha! Kual di nan a konta e kosnan aki? SEÑOR ta stim'é; e lo kumpli ku Su deseo kontra Babilonia, i Su brasa lo ta kontra e kaldeonan.

48:15 Ami, sí, Ami a papia; di bèrdat Mi a yam'é. Mi a tres'é, i su kamindanan lo prosperá.

48:16 "Hala serka Mi, tende esaki: "For di prinsipio Mi no a papia na sekreto; for di e tempu ku el a tuma lugá, Ami tabata ayanan. "I awor Señor DIOS, i Su Spiritu, a mandaMi."

48:17 Asina SEÑOR, bo Redentor, Esun Santu di Israel, ta bisa: "Ami ta SEÑOR bo Dios, Kende ta siñabo, pa bo prosperá, Kende ta guiabo den e kaminda ku bo mester kana.

48:18 Mara bo a pone atenshon na Mi mandamentunan! E ora ei bo pas lo tabata manera un riu, i bo hustisia manera ola di laman.

48:19 Bo desendientenan lo tabata manera santu, i bo yunan na kantidat manera pipita di santu; nunka nan nòmber lo no a wòrdu kòrtá kitá, ni destruí for di Mi presensia."

48:20 Sali for di Babilonia! Hui pa e kaldeonan! Anunsiá esaki ku gritu di goso i proklam'é. Plam'é mand'é te na e finnan di tera; bisa: "SEÑOR a redimí Su sirbidó Jakòb."

H3318 -- Sali -> Go
H3318 -- for di Babilonia -> forth
H894 -- ! Hui pa e kaldeonan -> from Babylon
H1272 -- ! Anunsiá esaki ku gritu di goso i proklam'é -> ! Flee
H3778 -- . Plam'é mand'é te na e finnan di tera -> from the Chaldeans
H5046 -- ; bisa -> ! Declare
H6963 -- : "SEÑOR a redimí Su sirbidó Jakòb -> with the sound
H7440 -- ." -> of joyful
H7440 -- . -> shouting
H8085 -- . -> proclaim
H384 -- . -> this
H3318 -- . -> Send
H7097a -- . -> it out to the end
H776 -- . -> of the earth
H559 -- . -> Say
H1350 -- . -> has redeemed
H5650 -- . -> His servant
H3290 -- . -> Jacob

48:21 Nan no tabatin set tempu ku El a guia nan dor di e desiertonan. El a hasi awa basha for di e baranka pa nan; El a spleit e baranka i awa a brota sali afó.

48:22 "No tin pas pa e malbadonan," SEÑOR ta bisa.

Isaias 47 Isaias 49