Isaias 42

BSNP Edit

Isaias 42

42:1 "Ata Mi Sirbidó ku Mi ta sostené, Mi Skohí, den Kende Mi alma tin delisia. Mi a pone Mi Spiritu riba djE; E lo trese hustisia pa e nashonnan.

42:2 E lo no grita ni halsa Su bos, ni E lo no laga Su bos wòrdu tendí den kaya.

42:3 Un richi gekrak E lo no kibra, i un mecha ku ta sende flou E lo no paga; E lo trese huisio segun bèrdat.

42:4 E lo no faya ni keda deskurashá, te ora ku El a stablesé hustisia riba tera; i e teranan na kosta lo spera riba Su lei."

42:5 Asina Dios e SEÑOR, Esun ku a krea e shelunan i a span nan, Esun ku a ekstendé tera i tur loke ta krese riba djé, Esun ku ta duna rosea na e hendenan ku tin riba djé, i spiritu na esnan ku ta kana riba djé, ta bisa:

42:6 "Ami ta SEÑOR, Mi a yamabo den hustisia, tambe lo Mi tene bo man i pèrkurá pa bo. Lo Mi nombrabo komo un aliansa pa e pueblo, komo un lus pa e nashonnan,

42:7 pa habri wowo siegu, pa libra prezonan for di den kashòt, i esnan ku ta biba den skuridat, for di prizon.

42:8 "Ami ta SEÑOR, esei ta Mi nòmber; lo Mi no duna Mi gloria na un otro, ni Mi alabansa na imagennan grabá.

42:9 Mira, e kosnan di antes a pasa, awor Mi ta deklará kosnan nobo; promé ku nan sali na kla, Mi ta anunsiá nan na boso."

42:10 Kanta un kantika nobo na SEÑOR, kanta Su alabansa for di e fin di tera! Boso ku ta baha bai laman, i tur loke tin den djé, boso, islanan, i esnan ku ta biba riba nan.

42:11 Laga e desierto i su statnan halsa nan bos, e pueblitonan kaminda Kedar ta biba. Laga e habitantenan di Sela kanta duru, laga nan grita di goso for di kabes di e serunan.

42:12 Laga nan duna gloria na SEÑOR, i deklará Su alabansa den e teranan na kosta.

42:13 SEÑOR lo sali manera un guerero; E lo lanta Su zelo manera un hòmber di guera. E lo dal un gritu, sí, E lo lansa un gritu di guera. E lo triunfá riba Su enemigunan.

42:14 "Mi a keda ketu pa hopi tempu; Mi a keda ketu i a dominá Mi mes. Manera un muhé na ora di parto lo Mi keha, lo Mi suspirá i ansha.

42:15 Lo Mi hasi e serunan i seritunan keda ruiná, i seka henter nan plantashon; lo Mi hasi riunan bira islanan, i seka e plasnan grandi di awa.

42:16 Lo Mi guia e siegunan riba un kaminda ku nan no konosé; riba berehanan ku nan no konosé lo Mi guia nan. Lo Mi hasi skuridat bira lus nan dilanti, i lo Mi hasi lugánan yen di baranka bira sabana. Esakinan ta e kosnan ku lo Mi hasi, i lo Mi no keda sin kumpli ku nan."

H1980 -- Lo Mi guia -> I will lead
H5787 -- e siegunan -> the blind
H1870 -- riba un kaminda -> by a way
H3045 -- ku nan no konosé -> they do not know
H5410b -- riba berehanan -> In paths
H3045 -- ku nan no konosé -> they do not know
H1869 -- lo Mi guia -> I will guide
H7760 -- nan. Lo Mi hasi -> them. I will make
H4285 -- skuridat -> darkness
H216 -- bira lus -> into light
H6440 -- nan dilanti -> before
H4625 -- i lo Mi hasi -> them And rugged
H4625 -- lugánan yen di baranka -> places
H4334 -- bira sabana -> into plains
H428 -- Esakinan -> . These
H1697 -- ta e kosnan -> are the things
H6213a -- ku lo Mi hasi -> I will do
H5800a -- i lo Mi no keda sin kumpli -> And I will not leave
H5800a -- ku nan -> them undone

42:17 Ma esnan ku ta konfia den ídolonan, ku ta bisa imagennan bashá: "Boso ta nos dios", lo wòrdu obligá di bira bai bèk, i lo keda tur brongosá.

42:18 Tende, boso, sordonan! I wak, boso, siegunan, pa boso mira.

42:19 Ken ta siegu, sino Mi sirbidó, òf asina sordo manera Mi mensahero ku Mi ta manda? Ken ta siegu manera esun ku ta na pas ku Mi, òf siegu manera e sirbidó di SEÑOR?

42:20 Bo a mira hopi kos, ma bo no a paga tino; bo oreanan ta habrí, ma bo no ta tende.

42:21 SEÑOR tabata kontentu pa motibu di Su hustisia, pa hasi e lei grandi i glorioso.

42:22 Ma esaki ta un pueblo sakeá i plumá; nan tur ta atrapá den kueba, òf skondí den prizon. Nan a bira proi, sin ningun hende pa libra nan, i nan a bira botín, sin ningun hende pa bisa: "Debolbé nan!"

H1931 -- Ma esaki -> But this
H5971a -- ta un pueblo -> is a people
H962 -- sakeá -> plundered
H8154 -- i plumá; -> and despoiled
H3605 -- nan tur -> All
H6351 -- ta atrapá -> of them are trapped
H2352b -- den kueba, -> in caves
H2244 -- òf skondí -> Or are hidden
H3608 -- den prizon. -> away in prisons
H1961 -- Nan a bira -> They have become
H957 -- proi, -> a prey
H369 -- sin ningun hende -> with none
H5337 -- pa libra -> to deliver
H4933 -- i nan a bira botín, -> ], And a spoil
H369 -- sin ningun hende -> with none
H559 -- pa bisa: -> to say
H7725 -- "Debolbé -> Give
H7725 -- nan!" -> ] back

42:23 Kual di boso lo skucha esaki? Ken lo paga tino i skucha den tempu benidero?

42:24 Ken a entregá Jakòb pa bira botín, i Israel den man di sakeadónan? No ta kontra SEÑOR nos a peka, den Kende Su kaminda nan no kier a kana, i Kende Su lei nan no a obedesé?

42:25 Asina El a drama e ardor di Su rabia i e violensia di bataya riba djé; i esaki a send'é na kandela tur rònt, tòg e no a ripará; i esaki a kim'é, ma e no a hasi kaso.

Isaias 41 Isaias 43