Isaias 34

BSNP Edit

Isaias 34

34:1 Hala serka pa tende, O nashonnan; i skucha, O pueblonan! Laga tera i tur loke e ta kontené tende, i mundu i tur loke e ta produsí.

34:2 Pasobra SEÑOR Su indignashon ta kontra tur e nashonnan, i Su furia ta kontra tur nan ehérsitonan. El a destruí nan kompletamente, El a entregá nan pa matansa.

34:3 Asina nan mortonan lo wòrdu tirá afó, i nan kadavernan lo manda holó stinki, i e serunan lo keda papa muhá di nan sanger.

34:4 I henter e ehérsito di shelu lo disolvé, i e shelunan lo wòrdu lorá, manera ta lora un ròl; tur nan ehérsitonan tambe lo seka, manera blachi ta seka na mata di wendrùif, òf manera blachi ta seka na palu di figo.

H3605 -- I henter -> And all
H6635 -- e ehérsito -> the host
H8064 -- di shelu -> of heaven
H4743 -- lo disolvé -> will wear
H4743 -- , i e shelunan -> away
H8064 -- lo wòrdu lorá -> And the sky
H1556 -- , manera ta lora -> will be rolled
H5612 -- un ròl -> up like a scroll
H3605 -- ; tur -> All
H6635 -- nan ehérsitonan -> their hosts
H5034b -- tambe lo seka -> will also wither
H5034b -- , manera blachi -> away
H5929 -- ta seka -> As a leaf
H5034b -- na mata di wendrùif -> withers
H1612 -- òf manera blachi -> from the vine
H5034b -- ta seka -> ] withers
H8384 -- na palu di figo -> from the fig
H8384 -- . -> tree

34:5 Pasobra Mi spada ta sasiá den shelu; mira, e lo baha pa huzga Edòm i pa huzga e pueblo ku Mi a destiná pa destrukshon.

34:6 E spada di SEÑOR ta tur na sanger; e ta yen-yen di vèt, di sanger di lamchi i di kabritu, di vèt di nir di karné chubatu. Pasobra SEÑOR tin un sakrifisio na Bosra, i un gran matansa na tera di Edòm.

34:7 Buey di mondi tambe lo kai huntu ku nan, i toro yòn huntu ku esnan fuerte; asina nan tera lo ta papa muhá di sanger, i nan stòf lo ta saturá ku vèt.

34:8 Pasobra SEÑOR tin un dia di vengansa, un aña di rekompensa pa kousa di Sion.

34:9 Su koridanan di awa lo bira breu, i su stòf lo bira swafel. Su tera lo bira breu ku ta kima.

34:10 E lo no wòrdu pagá di dia ni anochi; su huma lo subi bai ariba pa semper; di generashon pa generashon e lo keda desolá; hamas ningun hende lo pasa dor di djé.

34:11 Ma pelikan i porko di spiña lo poderá di djé, i palabrua i raf lo biba den djé. I E lo span e liña di konfushon riba djé, i e chumbu-di-midi di desolashon.

34:12 Su nobelnan--no tin ni un di nan ayanan ku nan por proklamá komo rei-- i tur su prensnan lo ta nada.

34:13 Sumpiña lo nase den su torennan fortifiká, bringamosa i kadushi den su statnan fortifiká; tambe e lo ta un lugá pa chakál biba aden i un lugá pa abestrus keda.

34:14 Bestia di desierto lo kontra ku lobo, tambe kabritu di mondi lo grita otro. Sí, e mònster di anochi lo biba ayanan, i lo haña un lugá di sosegá pa su mes.

34:15 Palabrua lo traha neishi ayanan i pone webu, e lo brui nan i trese nan huntu bou di su protekshon; sí, kinikini lo reuní ayanan, kada un ku su sorto.

34:16 Buska i lesa den e buki di SEÑOR: Ningun di esakinan lo no falta; ningun lo no falta su kompañero. Pasobra Su boka a ordená, i Su Spiritu a reuní nan.

34:17 Anto El a tira suerte pa nan, i Su man a partié pa nan segun midí. E lo ta di nan pa semper; di generashon pa generashon nan lo biba den djé.

Isaias 33 Isaias 35