Isaias 32

BSNP Edit

Isaias 32

32:1 Mira, un rei lo reina ku hustisia, i prensnan lo goberná ku huisio.

32:2 Kada un lo ta manera un refugio kontra bientu, i un protekshon kontra tempestat, manera koridanan di awa den un tera seku, manera sombra di un baranka masha grandi mes den un tera ku tin set di awa.

32:3 E ora ei wowo di esnan ku ta mira lo no wòrdu siegá mas, i orea di esnan ku ta tende lo skucha.

32:4 Kurason di e hende impulsivo lo diserní bèrdat, i lenga di e gagunan lo papia bon kla.

32:5 E bobo lo no wòrdu yamá nobel mas, tampoko e bandido lo no wòrdu yamá generoso.

32:6 Pasobra un bobo ta papia ko'i loko, i su kurason ta inkliná na maldat, pa kometé impiedat i pa plama eror tokante di SEÑOR, pa no satisfasé e hende ku tin hamber, i pa nenga di duna awa pa bebe na esun ku tin set.

H5036 -- Pasobra un bobo -> For a fool
H1696 -- ta papia -> speaks
H5039 -- ko'i loko, -> nonsense
H3820 -- i su kurason -> And his heart
H6213a -- ta inkliná -> inclines
H205 -- na maldat, -> toward wickedness
H6213a -- pa kometé -> To practice
H2612 -- impiedat -> ungodliness
H1696 -- i pa plama -> and to speak
H8442 -- eror -> error
H413 -- tokante di -> against
H7385a -- pa no satisfasé -> To keep
H7385a -- pa no satisfasé -> unsatisfied
H7457 -- e hende ku tin hamber, -> the hungry
H5315 -- e hende ku tin hamber, -> person
H2637 -- i pa nenga -> And to withhold
H4945b -- di duna awa pa bebe -> drink
H6771 -- na esun ku tin set. -> from the thirsty

32:7 Armanan di e bandido ta maligno; e ta inventá plannan maligno pa destruí e afligínan ku kalumnia, maske esun den nesesidat ta papia loke ta korekto.

32:8 Ma e hende nobel ta inventá plannan nobel, i ta para pa loke ta nobel.

32:9 Lanta, boso, muhénan ku ta sinti boso mes trankil, i skucha mi bos; paga tino na mi palabra, boso, yu muhénan ku ta sinti boso mes sigur.

32:10 Denter di un aña i algun dia boso lo bira intrankil, O yu muhénan ku ta sinti boso mes sigur; pasobra e kosecha di wendrùif a frakasá, i lo no tin kosecha di fruta.

32:11 Tembla, boso, muhénan ku ta sinti boso mes trankil; sea intrankil, boso, yu muhénan ku ta sinti boso mes sigur; kita sunú i bisti paña di saku na boso sintura.

32:12 Bati riba boso pechu ku duele pa e kunukunan plasentero, pa e matanan di wendrùif fruktífero,

32:13 pa e tera di mi pueblo kaminda mata di sumpiña i kadushi lo nase; sí, pa tur e kasnan alegre i pa e stat di alegria.

32:14 Pasobra e palasio a wòrdu bandoná, e stat poblá, desolá. Seritu i toren di vigilansia a bira kueba pa semper, un delisia pa buriku shimaron, yerba bèrdè pa tounan di karné,

32:15 te ora ku e Spiritu wòrdu bashá riba nos for di ariba, i desierto bira kunuku fértil, i kunuku fértil wòrdu konsiderá komo mondi-será.

32:16 E ora ei huisio lo biba den desierto, i hustisia lo biba den kunuku fértil.

32:17 E fruta di hustisia lo ta pas, i e resultado di hustisia lo ta kietut i konfiansa pa semper.

32:18 E ora ei mi pueblo lo biba den un lugá kaminda pas ta reina, i den kasnan sigur i den lugánan kaminda tin sosiegu i trankilidat,

32:19 maske hagel kai i tumba tur palu di mondi-será, i e stat keda kompletamente destruí.

32:20 Ki bendishoná boso lo ta, boso ku ta sembra kantu di tur awa, i ku ta laga buey i buriku sali kana rònt liber.

Isaias 31 Isaias 33