Isaias 3

BSNP Edit

Isaias 3

3:1 Pasobra, mira, e Señor DIOS di ehérsitonan ta bai kita for di Jerusalèm i for di Juda tantu provishon komo manteneshon, e provishon kompleto di pan, i e provishon kompleto di awa,

3:2 e hòmber poderoso i e guerero, e hues i e profeta, e adivinadó i e ansiano,

3:3 e kapitan di sinkuenta i e hòmber onorabel, e konsehero, e trahadó eksperto di obra di man i e enkantadó eksperto.

3:4 Lo Mi hasi mucha bira nan prens, i mucha kaprichoso lo goberná riba nan.

3:5 E pueblo lo wòrdu oprimí, kada un dor di e otro, i kada un dor di su bisiña; hoben lo lanta kontra ansiano i esun inferior kontra esun onorabel.

3:6 Ora ku un hende kohe su ruman hòmber tene den kas di su tata, i bisa: "Bo tin un mantel, abo lo ta nos gobernante, i e ruinanan aki lo ta na bo enkargo,"

3:7 e ora ei esaki lo protestá, bisando: "Mi no kier ta boso sanador, pasobra den mi kas no tin pan ni mantel; no nombrami komo gobernante di e pueblo."

3:8 Pasobra Jerusalèm a trompeká i Juda a kai, komo ku nan palabranan i nan echonan ta kontra SEÑOR, pa rebeldiá kontra Su presensia glorioso.

3:9 E ekspreshon riba nan kara ta testiguá kontra nan. Nan ta proklamá nan piká manera Sodoma; nan no ta skond'é. Ai di nan, pasobra nan a trese maldat riba nan mes.

3:10 Bisa e hustunan ku kos lo bai bon pa nan, pasobra nan lo kome e fruta di nan echonan.

3:11 Ai di e malbado! Kos lo bai malu p'é, pasobra nan lo hasi kuné loke e meresé.

3:12 O Mi pueblo! Nan opresornan ta mucha, i muhé ta manda riba nan. O Mi pueblo! Esnan ku ta guiabo ta hasibo desviá, i ta konfundí e direkshon di bo kamindanan.

3:13 SEÑOR ta lanta pa pleita Su kaso, i ta para pa huzga e pueblo.

3:14 SEÑOR ta drenta huisio ku e ansianonan i prensnan di Su pueblo: "Ta boso a destruí e kunuku di wendrùif; e botín di e hende pober ta den boso kasnan.

3:15 Ki falta boso, ku boso ta plècha Mi pueblo, i ta mula kara di e hende pober?" e Señor DIOS di ehérsitonan ta deklará.

3:16 Ademas, SEÑOR a bisa: "Pasobra e yu muhénan di Sion ta orguyoso, i ta kana ku kabes na laira i ku wowo ku ta sedusí, i ta kana yanga, i ta laga e banchinan na nan pia zona,

3:17 pesei Señor lo afligí kueru di kabes di e yu muhénan di Sion ku sarna, i SEÑOR lo eksponé nan bèrguensa."

3:18 Den e dia ei Señor lo kita e bunitesa di nan banchinan di ènkel, nan banchinan pa bisti na frenta, luneta,

3:19 renchi largu di orea, armbant, velo,

3:20 paña di mara kabes, kadena di ènkel, faha, bòter di perfume, kos di suerte,

3:21 renchi di dede, renchi di nanishi,

3:22 bistí di fiesta, túnika, mantel, kartera,

3:23 spil di man, paña djabou, tùlban i velo.

3:24 Anto lo sosodé ku na lugá di perfume dushi lo tin putrimentu; na lugá di faha, kabuya; na lugá di peinado di moda, kabes pelon; na lugá di paña fini, paña di saku; na lugá di bunitesa, marka di heru kayente.

H1961 -- Anto lo sosodé -> Now it will come
H8478 -- ku na lugá -> about that instead
H1314 -- di -> of sweet
H1314 -- perfume dushi -> perfume
H4716 -- lo tin putrimentu; -> there will be putrefaction
H8478 -- na lugá -> Instead
H2290b -- di faha, -> of a belt
H5364 -- kabuya; -> a rope
H8478 -- na lugá -> Instead
H4748 -- di -> of well-set
H4748 -- peinado di moda, -> hair
H7144 -- kabes pelon; -> a plucked-out
H7144 -- kabes pelon; -> scalp
H8478 -- na lugá -> Instead
H6614 -- di -> of fine
H6614 -- paña fini, -> clothes
H4228 -- paña di saku; -> a donning
H8242 -- paña di saku; -> of sackcloth
H3587 -- na lugá di bunitesa, -> And branding
H8478 -- na lugá -> instead
H3308 -- marka di heru kayente. -> of beauty

3:25 Bo hòmbernan lo kai pa medio di spada, i bo hòmbernan poderoso lo kai den bataya.

3:26 Su portanan lo lamentá i keha, i siendo bandoná e lo sinta abou na suela.

Isaias 2 Isaias 4