Isaias 25

BSNP Edit

Isaias 25

25:1 O SEÑOR, Bo ta mi Dios; lo mi halsaBo; lo mi duna gradisimentu na Bo nòmber; pasobra Bo a hasi kosnan maraviyoso, plannan formá hopi tempu pasá, den fieldat perfekto.

25:2 Pasobra Bo a hasi e stat bira un monton, e stat fortifiká, un ruina; e sitadel di stranheronan no ta stat mas; nunka mas e lo wòrdu lantá di nobo.

25:3 Pesei un pueblo fuerte lo glorifikáBo; statnan di nashonnan kruel lo respetáBo.

25:4 Pasobra Bo tabata un fortalesa pa esun sin yudansa, un fortalesa pa e hende pober den su angustia, un refugio kontra tempestat, un sombra kontra kalor; pasobra rosea di hende kruel ta manera tempestat kontra un muraya.

25:5 Manera kalor den sekura Bo ta someté e boroto di stranheronan; manera kalor dor di sombra di un nubia, asina e kantika di hende kruel ta wòrdu silensiá.

25:6 I e SEÑOR di ehérsitonan lo prepará un bankete luhoso pa tur pueblo riba e seru aki, un bankete di biña bieu, e mihó pida-pidanan di karni i tuti i biña bieu refiná.

25:7 I riba e seru aki E lo destruí e velo ku ta tapa tur pueblo, sí, e mantel ku ta habrí ofer di tur nashon.

25:8 E lo traga morto pa semper, i Señor DIOS lo seka awa di wowo for di tur kara. E lo kita e reproche di Su pueblo for di henter tera, pasobra SEÑOR a papia.

25:9 Anto den e dia ei hende lo bisa: "Mira, esaki ta nos Dios, riba Kende nos a spera pa E salba nos. Esaki ta e SEÑOR, riba Kende nos a spera; laga nos regosihá i sea kontentu den Su salbashon."

25:10 Pasobra e man di SEÑOR lo sosegá riba e seru aki, i Moab lo wòrdu trapá na su mes sitio, manera yerba seku ta wòrdu trapá den e awa di un monton di mèst.

25:11 I e lo habri su mannan meimei di djé, manera un landadó ta habri su mannan pa landa; ma Señor lo rebahá su orguyo huntu ku e trikinan di su mannan.

25:12 I e fortifikashonnan impenetrabel di bo murayanan E lo bash'abou, umiyá, tira na suela, te den stòf.

Isaias 24 Isaias 26