Hoseas 2

BSNP Edit

Hoseas 2

2:1 Bisa boso ruman hòmbernan: "Ammi," i boso ruman muhénan: "Ruhama."

2:2 "Pleita ku boso mama, sí, pleita, pasobra e no ta Mi esposa, i Ami no ta su Esposo; i lagu'é kita su prostitushon for di su kara, i su adulterio for di meimei di su pechunan,

2:3 pa Mi no kit'é sunú i ekspon'é manera riba e dia ku el a nase. Lo Mi hasié manera un desierto, hasié manera tera seku, i mat'é ku set.

2:4 Lo Mi no tin kompashon ku su yunan, pasobra nan ta yunan di prostitushon.

2:5 Pasobra nan mama a bira prostituta; esun ku a konsebí nan a aktua na manera bèrgonsoso. Pasobra el a bisa: 'Lo mi bai tras di mi amantenan, kendenan ta dunami mi pan i mi awa, mi lana i mi lino, mi zeta i mi bibida.'

2:6 Pesei mira, lo Mi sera su kaminda ku sumpiña; i lo Mi traha un muraya kontra djé, asina ku e no por haña su berehanan.

2:7 I e lo kore tras di su amantenan, ma e lo no alkansá nan; i e lo buska nan, ma lo no haña nan. E ora ei e lo bisa: 'Lo mi bai bèk serka mi promé esposo, pasobra e tempu ei tabata mihó pa mi ku awor!'

2:8 Pasobra e no sa ku ta Ami a dun'é e mainshi, e biña nobo i e zeta, i ku ta Ami a kubrié ku plata i oro, ku nan a uza pa Baal.

2:9 "Pesei lo Mi tuma Mi mainshi bèk na e tempu di kosecha i Mi biña nobo ora ku e ta kla. Tambe lo Mi tuma Mi lana i Mi lino, duná pa tapa su sunú.

2:10 I e ora ei lo Mi eksponé su bèrguensa den bista di su amantenan, i ningun hende lo no reskat'é for di Mi man.

2:11 Tambe lo Mi pone un fin na tur su alegria, su dianan di fiesta, su lunanan nobo, su sabatnan, i tur su asambleanan festivo.

2:12 I lo Mi destruí su matanan di wendrùif i su palunan di figo, di kualnan el a bisa: 'Esakinan ta mi pago ku mi amantenan a dunami.' I lo Mi hasi nan bira un mondi-será, i e bestianan di mondi lo devorá nan.

2:13 I lo Mi kastigu'é pa e dianan di e Baalnan, tempu ku e tabata ofresé sakrifisio na nan i dòrna su mes ku su renchinan di orea i su hoyanan, i sigui su amantenan, asina ku el a lubidáMi," SEÑOR ta deklará.

2:14 "Pesei mira, lo Mi lòk é, tres'é den desierto i papia kariñosamente kuné.

2:15 Anto ayanan lo Mi dun'é su kunukunan di wendrùif, i e vaye di Akor komo un porta di speransa. I ayanan e lo kanta manera den e dianan di su hubentut, manera den e dia ku el a sali for di tera di Egipto.

2:16 "I lo sosodé den e dia ei," SEÑOR ta deklará, "ku boso lo yamaMi Ishi i lo no yamaMi Baali mas.

2:17 Pasobra lo Mi kita e nòmbernan di e Baalnan for di su boka, asina ku nan lo no wòrdu menshoná na nan nòmber mas.

2:18 Den e dia ei lo Mi traha tambe un aliansa pa nan ku e bestianan di mondi, e parhanan di shelu i e bestianan ku ta lastra abou na suela. I lo Mi kita bog, spada i guera for di riba tera, i lo hasi nan drumi den siguridat.

H3117 -- Den e dia ei -> In that day
H3772 -- lo Mi traha tambe -> I will also make
H1285 -- un aliansa -> a covenant
H2421b -- pa nan ku e bestianan -> for them With the beasts
H7704 -- di mondi -> of the field
H5775 -- , e parhanan -> The birds
H7431 -- i e bestianan ku ta lastra -> And the creeping
H7431 -- i e bestianan ku ta lastra -> things
H8064 -- di shelu -> of the sky
H127 -- abou na suela -> of the ground
H7665 -- . I lo Mi kita -> . And I will abolish
H7198 -- bog -> the bow
H2719 -- , spada -> the sword
H4421 -- i guera -> and war
H776 -- for di riba tera -> from the land
H7901 -- , i lo hasi nan drumi -> And will make them lie
H7901 -- den siguridat -> down
H983 -- den siguridat -> in safety

2:19 I lo Mi tumabo komo Mi esposa pa semper; sí, lo Mi tumabo komo Mi esposa den rektitut i hustisia, den miserikòrdia i den kompashon.

2:20 I den fieldat lo Mi tumabo komo Mi esposa; e ora ei lo bo konosé SEÑOR.

2:21 "I lo sosodé ku den e dia ei lo Mi kontestá," SEÑOR ta deklará. "Lo Mi kontestá e shelunan, i nan lo kontestá e tera.

2:22 E tera lo kontestá e mainshi, e biña nobo i e zeta, i nan lo kontestá Jezreel.

2:23 I lo Mi sembr'é pa Mi mes den e tera. Tambe lo Mi tin kompashon ku esun ku no a haña kompashon, i lo Mi bisa esnan ku no tabata Mi pueblo: 'Boso ta Mi pueblo!' I nan lo bisa: 'Bo ta mi Dios!'"

Hoseas 1 Hoseas 3