Genesis 40

BSNP Edit

Genesis 40

40:1 Anto despues di e kosnan aki a sosodé ku e kopero i e panadero di rei di Egipto a ofendé nan señor, rei di Egipto.

40:2 I Farao tabata masha rabiá ku su dos ofisialnan, e hefe di e koperonan i e hefe di e panaderonan.

40:3 Asina el a detené nan den kas di e kapitan di guardia, den prizon, e lugá kaminda Jose tabata será.

40:4 I e kapitan di guardia a enkargá Jose ku nan i el a pèrkurá pa nan; i nan a keda detení pa algun tempu.

40:5 Anto e kopero i e panadero di rei di Egipto, kendenan tabata será den prizon, tur dos tabatin un soño e mesun anochi, kada un su mes soño i kada soño ku su mes interpretashon.

40:6 Ora Jose a bin mainta serka nan i a opservá nan, el a ripará ku nan tabata tristu.

40:7 I el a puntra e ofisialnan di Farao, kendenan tabata detení huntu kuné den kas di su shon: "Pakiko boso kara ta tristu asina awe?"

40:8 E ora ei nan a bis'é: "Nos tabatin un soño i no tin ningun hende pa interpret'é." E ora ei Jose a bisa nan: "Interpretashon no ta Dios Su asunto? Pa fabor, kontami e soño."

40:9 Anto e hefe di e koperonan a konta Jose su soño i a bis'é: "Ata, den mi soño tabatin un mata di wendrùif mi dilanti;

40:10 i na e mata di wendrùif tabatin tres taki. I segun ku e tabata saka kònòpi, su flornan tabata habri i su tròshinan tabata pari wendrùif hechu.

40:11 Awor Farao su kopa tabata den mi man; i mi a kohe e wendrùifnan primi nan den Farao su kopa, i mi a duna Farao e kopa den su man."

40:12 E ora ei Jose a bis'é: "Esaki ta su interpretashon: e tres takinan ta tres dia.

40:13 Den término di tres dia Farao lo halsa bo kabes i bolbe ponebo na bo puesto. Lo bo entregá Farao su kopa den su man, meskos ku bo tabata hasi antes, tempu ku bo tabata su kopero.

40:14 Solamente, kòrda riba mi ora kos ta bai bon pa bo i hasimi un fabor di papia ku Farao pa mi, i sakami for di e kas aki.

40:15 Pasobra en realidat mi a wòrdu sekuestrá hibá for di tera di e hebreonan i aki tampoko mi no a hasi nada pa nan a serami den prizon."

40:16 Ora ku e hefe di e panaderonan a mira ku e interpretashon tabata faborabel, el a bisa Jose: "Ami tambe a mira den mi soño, i ata, tabatin tres makutu di pan blanku riba mi kabes;

40:17 i den e makutu di mas ariba tabatin tur sorto di kuminda hòrná pa Farao, i e parhanan tabata kome nan for di den e makutu riba mi kabes."

40:18 Anto Jose a kontestá i a bisa: "Esaki ta su interpretashon: e tres makutunan ta tres dia.

40:19 Denter di tres dia Farao lo halsa bo kabes i lo kologábo na un palu; i parhanan lo kome bo karni for di bo kurpa."

40:20 Asina a sosodé riba e di tres dia, ku tabata Farao su hasimentu di aña, ku el a pone un fiesta pa tur su sirbidónan; i el a halsa kabes di e hefe di e koperonan i kabes di e hefe di e panaderonan meimei di su sirbidónan.

H1961 -- Asina a sosodé -> Thus it came
H7992 -- riba e di tres -> about on the third
H6547 -- , ku tabata Farao su -> ] Pharaoh’s
H3117 -- dia -> day
H3205 -- hasimentu di aña -> birthday
H6213a -- , ku el a pone -> that he made
H4960 -- un fiesta -> a feast
H3605 -- pa tur -> for all
H5650 -- su sirbidónan -> his servants
H5375 -- ; i el a halsa -> and he lifted
H7218 -- kabes -> up the head
H8269 -- di e hefe -> of the chief
H4945a -- di e koperonan -> cupbearer
H7218 -- i kabes -> and the head
H8269 -- di e hefe -> of the chief
H644 -- di e panaderonan -> baker
H5650 -- meimei di su sirbidónan -> his servants
H8432 -- meimei -> among

40:21 I el a pone e hefe di e koperonan bèk na su puesto, i esaki tabata pone e kopa den man di Farao atrobe;

40:22 ma el a horka e hefe di e panaderonan, manera Jose a interpretá pa nan.

40:23 Sinembargo, e hefe di e koperonan no a kòrda riba Jose, ma a lubidá riba djé.

Genesis 39 Genesis 41