Ezikiel 2

BSNP Edit

Ezikiel 2

2:1 E ora ei El a bisami: "Yu di hende, lanta para riba bo pia pa Mi papia ku bo!"

2:2 I ora ku E tabata papia ku mi, e Spiritu a drenta den mi i a ponemi para riba mi pia; i mi a tend'E ta papia ku mi.

2:3 I El a bisami: "Yu di hende, Mi ta mandabo serka e yunan di Israel, serka un pueblo rebelde ku a rebeldiá kontra Mi. Nan i nan tatanan a transgresá kontra Mi te dia djawe.

2:4 Mi ta mandabo serka e yunan ku ta kabesura i sobèrbè. I lo bo bisa nan: 'Asina Señor DIOS ta bisa.'

2:5 Pa loke ta nan, sea ku nan skucha òf laga di skucha--pasobra nan ta un kas rebelde--nan lo sa ku tabatin un profeta meimei di nan.

2:6 I abo, yu di hende, no tene miedu di nan, ni tene miedu di nan palabranan, maske bo hañabo meimei di kadushi i mata di sumpiña i maske bo biba meimei di skòrpion; no tene miedu di nan palabranan, ni desmayá den nan presensia, pasobra nan ta un kas rebelde.

H1121 -- I abo, yu -> And you, son
H120 -- di hende -> of man
H408 -- , no -> neither
H3372a -- tene miedu -> fear
H408 -- di nan, ni -> them nor
H3372a -- tene miedu -> fear
H1697 -- di nan palabranan -> their words
H3588 -- , maske -> though
H5621 -- bo hañabo meimei di kadushi -> thistles
H5544 -- i mata di sumpiña -> and thorns
H3427 -- i maske bo biba -> are with you and you sit
H6137 -- meimei di skòrpion -> on scorpions
H408 -- ; no -> neither
H3372a -- tene miedu -> fear
H1697 -- di nan palabranan -> their words
H408 -- , ni -> nor
H2865 -- desmayá -> be dismayed
H6440 -- den nan presensia -> at their presence
H4805 -- , pasobra nan ta un kas rebelde -> for they are a rebellious
H1004 -- . -> house

2:7 Ma abo, bisa nan Mi palabranan, sea ku nan skucha òf laga di skucha, pasobra nan ta rebelde.

2:8 I abo, yu di hende, skucha loke Mi ta bisabo. No sea rebelde manera e kas rebelde ei. Habri bo boka i kome loke Mi dunabo."

2:9 E ora ei mi a wak, i ata, tabatin un man ekstendí na mi; i mira, den djé tabatin un ròl.

2:10 Anto El a habrié mi dilanti, i e tabata skirbí na tur dos banda. I riba djé tabatin skirbí lamentashon, kehamentu i yoramentu.

Ezikiel 1 Ezikiel 3