Ezikiel 15

BSNP Edit

Ezikiel 15

15:1 I e palabra di SEÑOR a yega na mi, bisando:

15:2 "Yu di hende, kon palu ku ta bin for di mata di wendrùif por ta mihó ku esun ku ta bin for di rama di kualke palu di mondi?

15:3 Por kohe palu for di djé anto pa traha un kos kuné, òf por traha staka kuné pa kologá kos na djé?

15:4 Si e wòrdu tirá den kandela komo kombustibel i kandela kima tur su dos puntanan kaba nan na nada, i e parti meimei kima bira karbon, e ta sirbi pa algu ainda?

15:5 Mira, mientras ku e tabata intakto ainda, no por a traha nada kuné. Kuantu menos ora ku e kandela a kaba kuné i el a bira karbon, por traha algu kuné ainda?

15:6 "Pesei, asina Señor DIOS ta bisa: 'Meskos ku Mi a entregá e palu di mata di wendrùif for di entre e palunan di mondi na kandela komo kombustibel, asina Mi a entregá e habitantenan di Jerusalèm;

15:7 i Mi a bira Mi kara kontra nan. Maske nan a sali for di kandela, tòg kandela lo kaba ku nan. E ora ei boso lo sa ku Ami ta SEÑOR, ora Mi pone Mi kara kontra nan.

15:8 Asina lo Mi hasi e tera keda desolá, pasobra nan a kometé transgreshon,'" Señor DIOS ta deklará.

Ezikiel 14 Ezikiel 16