Efesionan 4

BSNP Edit

Efesionan 4

4:1 Pesei, ami, prizonero di Señor, ta roga boso pa kana na un manera digno di e yamada ku kual boso a wòrdu yamá,

4:2 ku tur umildat i suavidat, ku pasenshi, soportando un i otro den amor,

4:3 siendo diligente pa preservá e unidat di e Spiritu den e vínkulo di pas.

4:4 Tin ún kurpa i ún Spiritu, meskos ku boso tambe a wòrdu yamá den ún speransa di boso yamada;

4:5 ún Señor, ún fe, ún boutismo,

4:6 ún Dios i Tata di tur, Kende ta riba tur i dor di tur i den tur.

4:7 Ma na kada un di nos grasia a wòrdu duná konforme e midí di e don di Cristo.

4:8 Pesei ta wòrdu bisá: "Ora ku El a subi bai den haltura, El a hiba un ehérsito di katibunan komo katibu, i El a duna donnan na hende."

4:9 (Awor e ekspreshon aki: "El a subi," ta kiko esaki ta nifiká, sino ku El a baha tambe den e partinan mas abou di tera?

4:10 Esun ku a baha ta e Mesun tambe ku a subi bai muchu mas haltu ku tur e shelunan, pa E yena tur kos.)

4:11 I El a duna algun komo apòstel, i algun komo profeta, i algun komo evangelista, i algun komo pastor i siñadó,

4:12 pa ekipá e santunan pa e trabou di sirbishi, pa edifiká e kurpa di Cristo,

4:13 te ora nos tur yega na e unidat di fe i di e konosementu di e Yu di Dios, na bira un hòmber madurá, na e midí di e estatura di e plenitut di Cristo,

4:14 pa nos no ta mucha mas, tirá p'aki p'aya dor di olanan, i hibá dor di tur bientu di doktrina, dor di triki di hende, dor di astusia den trahamentu di plan engañoso;

4:15 ma papiando e bèrdat den amor, nos tin di krese den tur aspekto den djE, Kende ta e kabes, esta, Cristo,

4:16 for di Kende henter e kurpa, siendo bon hinká den otro i tení huntu pa medio di loke kada skarnir ta kontribuí, konforme e obra efektivo di kada parti individual, ta kousa e kresementu di e kurpa pa edifikashon di su mes den amor.

G3739 -- for di Kende -> from whom
G3956 -- henter -> the whole
G4983 -- e kurpa -> body
G4883 -- siendo bon hinká den otro -> being fitted
G4822 -- i tení -> and held
G4822 -- huntu -> together
G1223 -- pa medio di loke -> by what
G3956 -- kada -> every
G860 -- skarnir -> joint
G2024 -- ta kontribuí -> supplies
G2596 -- konforme -> according
G3358 -- e obra efektivo -> to the proper
G1753b -- efektivo -> working
G1538 -- di kada -> of each
G1520 -- parti individual -> individual
G3313 -- parti -> part
G4160 -- ta kousa -> causes
G838 -- e kresementu -> the growth
G4983 -- di e kurpa -> of the body
G3619 -- pa edifikashon -> for the building
G1438 -- di su mes -> up of itself
G26 -- den amor -> in love

4:17 Esaki mi ta bisa anto i ta afirmá huntu ku Señor, pa boso no kana mas meskos ku e paganonan tambe ta kana, den e banidat di nan mente,

4:18 siendo tapá ku skuridat den nan komprendementu, ekskluí di e bida di Dios pa motibu di e ignoransia ku ta den nan, pa motibu di e duresa di nan kurason;

4:19 i nan, pèrdiendo tur heful, a entregá nan mes na sensualidat pa, ku golosidat, nan praktiká tur klase di impuresa.

4:20 Ma no t'asina boso a siña konosé Cristo,

4:21 si di bèrdat boso a tend'E i a wòrdu siñá den djE, meskos ku bèrdat ta den Jesus,

4:22 pa, enkuanto boso manera di biba di antes, boso pone un banda e hende bieu ku ta wòrdu korumpí konforme e pashonnan engañoso,

4:23 i pa boso wòrdu renobá den e spiritu di boso mente,

4:24 i pa boso bisti e hende nobo, ku a wòrdu kreá segun Dios den hustisia i santidat bèrdadero.

4:25 Pesei, poniendo mentira un banda, kada un di boso papia bèrdat ku su próhimo, pasobra nos ta miembro di otro.

4:26 Rabia, ma no hasi piká; no laga solo baha riba boso rabia,

4:27 i no duna diabel oportunidat.

4:28 Laga esun ku ta hòrta, no hòrta mas; ma mas bien, lagu'é traha, hasiendo ku su mes mannan loke ta bon, pa e por tin algu pa kompartí ku esun ku ta den nesesidat.

4:29 No laga ningun palabra dañino sali for di boso boka, sino solamente palabra ku ta bon pa edifikashon, konforme e nesesidat di e momento, pa esaki por duna grasia na esnan ku ta tende.

4:30 I no hasi Spiritu Santu di Dios tristu, pa medio di Kende boso a wòrdu seyá pa e dia di redenshon.

4:31 Laga tur amargura, furia, rabia, griteria i kalumnia wòrdu kitá for di boso, huntu ku tur malisia.

4:32 I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso.

Efesionan 3 Efesionan 5