Predikador 3

BSNP Edit

Predikador 3

3:1 Tin un tempu stipulá pa tur kos. I tin un tempu pa tur evento bou di shelu:

3:2 un tempu pa nase i un tempu pa muri, un tempu pa planta i un tempu pa ranka ku rais ku tur, loke ku a wòrdu plantá,

3:3 un tempu pa mata i un tempu pa kura, un tempu pa bash'abou i un tempu pa rekonstruí,

3:4 un tempu pa yora i un tempu pa hari, un tempu pa tene rou i un tempu pa balia,

3:5 un tempu pa tira piedra i un tempu pa piki piedra, un tempu pa brasa i un tempu pa keda sin brasa,

3:6 un tempu pa buska i un tempu pa stòp di buska, un tempu pa warda i un tempu pa tir'afó,

3:7 un tempu pa sker for di otro i un tempu pa kose pega na otro, un tempu pa keda ketu i un tempu pa papia,

3:8 un tempu pa stima i un tempu pa odia, un tempu pa guera i un tempu pa pas.

3:9 Ki probecho e trahadó tin di loke e ta traha duru p'é?

3:10 Mi a mira e tarea ku Dios a duna e yunan di hende pa okupá nan mes kuné.

3:11 El a traha tur kos apropiá na su tempu. Tambe El a pone etèrnidat den nan kurason, sin ku hende por haña sa e trabou ku Dios a hasi for di prinsipio te na fin.

3:12 Mi sa ku no tin nada mihó pa hende, ku regosihá i hasi bon den su bida,

3:13 i tambe ku tur hende por kome i bebe i mira e bon ku tin den tur su trabou--esaki ta e regalo di Dios.

3:14 Mi sa ku tur loke Dios ta hasi lo permanesé pa semper; no tin nada pa añadí i no tin nada pa kit'afó, pasobra Dios a hasi asina pa hende tin temor p'E.

3:15 Loke ta, tabata kaba, i loke ta bin, tabat'ei kaba, pasobra Dios ta buska loke a pasa kaba.

3:16 Mas ainda, mi a mira bou di solo: ku na lugá di huisio--ta maldat tabatin einan, i na lugá di hustisia--ta maldat tabatin einan.

3:17 Mi a bisa den mi mes: "Dios lo huzga tantu e hende rekto komo e hende malbado," pasobra tin un tempo pa tur asunto i pa tur echo.

3:18 Mi a bisa den mi mes tokante di e yunan di hende: "Siguramente Dios a pone nan na prueba pa nan mira ku nan ta meskos ku bestia."

3:19 Pasobra destino di yu di hende i destino di bestia ta meskos. Manera esun ta muri, e otro tambe ta muri; di bèrdat, nan tur tin e mesun rosea i no tin bentaha pa hende riba bestia, pasobra tur ta banidat.

H4745 -- Pasobra destino -> For the fate
H1121 -- di yu -> of the sons
H120 -- di hende -> of men
H4745 -- i destino -> and the fate
H929 -- di bestia -> of beasts
H259 -- ta meskos -> is the same
H2088 -- . Manera esun -> . As one
H4194 -- ta muri -> dies
H3651 -- , e otro -> so
H4194 -- tambe ta muri -> dies
H2088 -- ; di bèrdat -> the other
H3605 -- , nan tur -> indeed, they all
H259 -- tin e mesun -> have the same
H7307 -- rosea -> breath
H369 -- i no tin -> and there
H369 -- bentaha -> is no
H4195 -- bentaha -> advantage
H120 -- pa hende -> for man
H4480 -- riba -> over
H929 -- bestia -> beast
H3605 -- , pasobra tur -> for all
H1892 -- ta banidat -> is vanity

3:20 Tur ta bai na e mesun lugá. Tur a bin di stòf i tur ta bolbe na stòf.

3:21 Ken sa si rosea di hende ta subi bai ariba i si rosea di bestia ta baha bai abou den tera?

3:22 I mi a mira ku no tin nada mihó pa hende ku gosa den su aktividatnan, pasobra esei ta su parti. Pasobra ken lo hib'é pa mira kiko lo sosodé despues di djé?

Predikador 2 Predikador 4