Predikador 12

BSNP Edit

Predikador 12

12:1 Kòrda tambe riba bo Kreador den e dianan di bo hubentut, promé ku e dianan malu bin i e añanan yega serka, di kualnan lo bo bisa: "Mi no tin goso den nan";

12:2 promé ku solo, lus, luna i e streanan bira skur, i e nubianan bolbe despues di yobida;

12:3 ora ku e guardianan di e kas ta tembla, i e hòmbernan fuerte ta kana doblá, ora ku e muladónan ta stòp di mula, pasobra nan ta poko, i esnan ku ta wak dor di bentana ta bira skur;

12:4 ora ku e portanan pa kaya ta wòrdu será i e zonidu di e mulamentu ta baha, i hende ta lanta ora parha kuminsá kanta, i tur e yu muhénan di kantika ta kanta poko-poko.

12:5 Ademas, hende tin miedu di un lugá haltu i di terornan riba kaminda; e palu di amandel ta floria, e tirakochi ta lastra pia i e ta pèrdè apetit. Pasobra hende ta bai na su kas etèrno, mientras ku yoradónan di morto ta kana rònt den kaya.

H1571 -- Ademas -> Furthermore
H3372a -- hende tin miedu -> men are afraid
H1364 -- di un lugá haltu -> of a high
H2849 -- i di terornan -> place and of terrors
H1870 -- riba kaminda -> on the road
H8247 -- e palu di amandel -> the almond
H8247 -- e palu di amandel -> tree
H5340b -- ta floria -> blossoms
H2284 -- e tirakochi -> the grasshopper
H5445 -- ta lastra pia -> drags
H35 -- i e ta pèrdè apetit -> himself along, and the caperberry
H6565a -- i e ta pèrdè apetit -> is ineffective
H120 -- Pasobra hende -> . For man
H1980 -- ta bai -> goes
H5769 -- na su kas etèrno -> to his eternal
H1004 -- na su kas etèrno -> home
H5594 -- ku yoradónan di morto -> while mourners
H5437 -- ta kana -> go
H5437 -- rònt -> about
H7784 -- den kaya -> in the street

12:6 Kòrda riba djE promé ku e kabuya di plata wòrdu kibrá i e kòmchi di oro wòrdu plèchá, e kanika banda di e fuente wòrdu kibrá na pida-pida i e wil na pos wòrdu kibrá.

12:7 E ora ei e stòf lo bolbe na e tera ku el a bin for di djé, i e spiritu lo bolbe na Dios, Kende a duna esaki.

12:8 "Banidat di banidatnan," e Predikadó ta bisa, "tur kos ta banidat!"

12:9 Ademas di ta un hende sabí, e Predikadó a siña e pueblo konosementu tambe; i el a keda studia, a skudriñá, i a komponé hopi proverbio.

12:10 E Predikadó a buska pa haña palabranan agradabel i pa skirbi palabranan di bèrdat na manera korekto.

12:11 E palabranan di hende sabí ta manera punta di heru, i maestronan di e kolekshonnan aki ta manera klabunan bon klabá; nan ta duná dor di ún Wardadó.

12:12 I ademas, mi yu, sea spièrtá: skirbimentu di hopi buki ta un kos sin fin, i deboshon di mas na buki ta kansamentu di kurpa.

12:13 E konklushon di tur loke ku a wòrdu tendí, ta: teme Dios i warda Su mandamentunan, pasobra esaki ta aplikabel na kada persona.

12:14 Pasobra Dios lo trese tur echo na huisio, tur kos ku ta skondí, sea bon òf malu.

Predikador 11 E Kanto di tur Kanto 1