Echonan 14

BSNP Edit

Echonan 14

14:1 I a sosodé ku na Ikonio nan a bai huntu den snoa di e hudiunan i a papia di tal manera ku un gran multitut a kere, tantu di hudiu komo di griego.

14:2 Ma e hudiunan ku no tabata kere tabata instigá i amargá alma di e paganonan kontra e rumannan.

14:3 Pesei nan a keda ayanan pa basta tempu, papiando ku tur frankesa, ku konfiansa den Señor, Kende tabata duna testimonio na e palabra di Su grasia, pèrmitiendo ku milagernan i maraviyanan tabata wòrdu hasí pa medio di nan man.

14:4 Ma e multitut den e stat a keda dividí; i algun tabata na fabor di e hudiunan i algun na fabor di e apòstelnan.

14:5 I ora tantu e paganonan komo e hudiunan, huntu ku nan gobernantenan, a hasi un intento pa maltratá nan i pa tira nan ku piedra,

14:6 nan a haña sa esei i a hui bai na e statnan di Likaonia, esta, Listra i Derbe, i na e region tur rònt;

14:7 i aya nan a sigui prediká e evangelio.

14:8 I na Listra tabatin un hòmber sintá, sin forsa den su pianan, lam for di den barika di su mama, i ku nunka no por a kana.

14:9 E hòmber aki tabata skucha Pablo papia, kende, ora ku el a fiha su bista riba djé i a mira ku e tabatin fe pa wòrdu kurá,

14:10 a bisa na bos haltu: "Lanta para règt riba bo pia." I el a bula lanta i a kuminsá kana.

14:11 I ora ku e multitutnan a mira loke Pablo a hasi, nan a halsa nan bos i a bisa na lenga likaónika: "E diosnan a haña forma di hende i a baha bin serka nos."

14:12 I nan a yama Barnabas Júpiter, i Pablo nan a yama Merkurio, pasobra e tabata esun ku ta hiba palabra.

14:13 I e saserdote di Júpiter, kende su tèmpel tabata keda djis pafó di stat, a trese bueynan i koronanan di flor na e portanan di stat, i kier a hasi sakrifisio huntu ku e multitutnan.

14:14 Ma ora ku e apòstelnan Barnabas i Pablo a tende di esaki, nan a sker nan paña i a kore bai den e multitut, na gritu,

14:15 bisando: "Hòmbernan, pakiko boso ta hasi e kosnan aki? Nos tambe ta hende di e mesun naturalesa ku boso, i ta prediká evangelio na boso, pa boso laga e kosnan bano aki i kombèrtí na e Dios bibu, Kende a traha shelu i tera i laman, i tur loke tin den nan.

G3004 -- bisando -> and saying
G435 -- : "Hòmbernan -> Men
G5101 -- , pakiko -> why
G4160 -- boso ta hasi -> are you doing
G3778 -- e kosnan -> these
G3778 -- aki -> things
G2532 -- ? Nos tambe -> ? We are also
G444 -- ta hende -> men
G3663 -- di e mesun -> of the same
G3663 -- naturalesa -> nature
G2097 -- ku boso, i ta prediká -> as you, and preach
G2097 -- evangelio -> the gospel
G1994 -- na boso, pa boso laga -> to you that you should turn
G3778 -- e kosnan -> from these
G3152 -- bano -> vain
G3152 -- aki -> things
G2198 -- i kombèrtí na e Dios bibu -> to a living
G2316 -- Dios -> God

14:16 I den e generashonnan pasá El a pèrmití tur e nashonnan sigui nan mes kamindanan;

14:17 i tòg E no a laga Su mes sin testimonio, dor ku El a hasi bon i a manda awaseru for di shelu i tempu di bon kosecha pa boso, i a satisfasé boso kurason ku kuminda i alegria."

14:18 I ounke nan tabata papia asina, apenas nan por a stòp e multitutnan di ofresé sakrifisio na nan.

14:19 Ma a bin hudiunan for di Antiokia i Ikonio i nan a konvensé e multitutnan i a piedra Pablo i a lastr'é sak'é for di stat, keriendo ku e tabata morto.

14:20 Ma ora ku e disipelnan a bin para rònt di djé, el a lanta i a bai den stat. I e dia siguiente el a bai Derbe ku Barnabas.

14:21 I despues ku nan a prediká e evangelio na e stat ei i a hasi hopi hende bira disipel, nan a bolbe bai Listra i Ikonio i Antiokia,

14:22 fortifikando alma di e disipelnan, enkurashando nan pa permanesé den fe, bisando: "Dor di hopi tribulashon nos mester drenta e reino di Dios."

14:23 I despues ku nan a nombra ansianonan pa nan den tur iglesia i a hasi orashon ku yunamentu, nan a enkomendá nan na Señor, den Kende nan a kere.

14:24 I nan a pasa dor di Pisidia i a yega Pamfilia.

14:25 I despues ku nan a prediká e palabra na Perge, nan a bai Atalia.

14:26 I for di aya nan a nabegá bai Antiokia, for di unda nan a wòrdu enkomendá na e grasia di Dios pa e trabou ku nan a kaba di kumpli kuné.

14:27 I ora nan a yega i a yama e iglesia huntu, nan a konta tur loke Dios a hasi ku nan, i ku El a habri un porta di fe pa e paganonan.

14:28 I nan a keda basta tempu serka e disipelnan.

Echonan 13 Echonan 15