Echonan 13

BSNP Edit

Echonan 13

13:1 Awor tabatin na Antiokia, den e iglesia ku tabata ayanan, profetanan i siñadónan, esta: Barnabas i Simon, kende tabata wòrdu yamá Niger, Lucio di Sirene i Manaén, kende a wòrdu kriá huntu ku Herodes e tetrarka, i Saulo.

13:2 I mientras ku nan tabata hasi nan sirbishi na Señor i tabata yuna, Spiritu Santu a bisa: "Apartá pa Mi Barnabas i Saulo pa e trabou pa kual Mi a yama nan."

13:3 E ora ei, despues ku nan a yuna i a hasi orashon i a pone nan mannan riba nan, nan a manda nan bai.

13:4 I asina, siendo mandá dor di Spiritu Santu, nan a bai Seleusia i for di einan nan a nabegá bai Cyprus.

13:5 I ora nan a yega Salamina, nan a kuminsá proklamá e palabra di Dios den e snoanan di e hudiunan; i tambe nan tabatin Juan komo nan yudadó.

13:6 I despues ku nan a pasa dor di henter e isla te na Pafos, nan a topa un tal mago, un profeta falsu, un hudiu, kende tabata yama Bar-jesus,

13:7 i kende tabata serka e prokonsul, Sergio Paulo, un hòmber inteligente. E hòmber aki a manda yama Barnabas i Saulo i tabata deseá di tende e palabra di Dios.

13:8 Ma Elimas, e mago, pasobra t'asina su nòmber ta wòrdu tradusí, tabata kontra nan i tabata trata di kita e prokonsul di kere.

13:9 Ma Saulo, kende tabata konosí tambe komo Pablo, yená ku Spiritu Santu, a fiha su bista riba djé,

13:10 i a bisa: "Abo ku ta yen di tur engaño i malisia, abo, yu di diabel, abo, enemigu di tur hustisia, lo bo no stòp di hasi e kamindanan rekto di Señor bira korkobá?

13:11 I awor, mira, man di Señor ta riba bo, i bo ta bai bira siegu i pa un tempu lo bo no mira solo." I mesora tiniebla i skuridat a baha riba djé, i e tabata kana rònt ta buska hende pa lei é na su man.

G3568 -- I -> Now
G2400 -- mira -> behold
G5495 -- man -> the hand
G2962 -- di Señor -> of the Lord
G5185 -- ta riba bo, i bo ta bai bira siegu -> is upon you, and you will be blind
G2540 -- pa un tempu -> for a time
G991 -- lo bo no mira solo -> and not see
G2246 -- solo -> the sun
G3916 -- I mesora -> .” And immediately
G887 -- tiniebla -> a mist
G4655 -- i skuridat -> and a darkness
G4098 -- a baha -> fell
G4013 -- riba djé, i e tabata kana -> upon him, and he went
G4013 -- rònt -> about
G2212 -- ta buska -> seeking
G5497 -- hende -> those who
G5497 -- pa lei -> would lead
G5497 -- é na su man -> him by the hand

13:12 E ora ei e prokonsul a kere, ora ku el a mira loke a pasa. I el a keda masha strañá di e siñansa di Señor.

13:13 Awor Pablo i su kompañeronan a nabegá bai for di Pafos i a yega Perge di Pamfilia; i Juan a bai laga nan i a bolbe Jerusalèm.

13:14 I di Perge nan a sigui biaha i a yega Antiokia di Pisidia, i riba dia di Sabat nan a drenta snoa, i a bai sinta.

13:15 I despues di lesamentu di e Lei i e Profetanan, e ofisialnan di snoa a manda yama nan, bisando: "Rumannan, si boso tin un palabra di eksortashon pa e pueblo, papia numa."

13:16 I Pablo a lanta para, a hasi seña ku su man i a bisa: "Hòmbernan di Israel i boso ku ta teme Dios, skucha:

13:17 E Dios di e pueblo Israel aki a skohe nos tatanan i a engrandesé e pueblo durante di nan estadia na tera di Egipto, i ku man poderoso El a saka nan for di ayanan.

13:18 I pa un temporada di mas o menos kuarenta aña E tabatin pasenshi ku nan den desierto.

13:19 I ora ku El a kaba di destruí shete nashon na tera di Kanaan, El a parti nan tera komo un erensia--i esei a tuma mas o menos kuater shent'i sinkuenta aña.

13:20 "I despues di esei El a duna nan huesnan te na profeta Samuel.

13:21 I despues nan a pidi un rei, i Dios a duna nan Saul, yu hòmber di Kis, un hòmber di e tribu di Benjamin, pa kuarenta aña.

13:22 I despues ku El a kita Saul, El a lanta David komo nan rei, di kende tambe El a duna testimonio i a bisa: 'Mi a haña David, yu hòmber di Isaí, un hòmber konforme Mi kurason, kende lo hasi henter Mi boluntat.'

13:23 For di e desendensia di e hòmber aki, di akuèrdo ku e promesa, Dios a trese pa Israel un Salbador, Jesus,

13:24 despues ku Juan a proklamá, promé ku Su binida, un boutismo di repentimentu na henter e pueblo di Israel.

13:25 I ora Juan tabata yegando na fin di su karera, el a bisa: 'Ta ken boso ta pensa ku mi ta? Ami no t'E. Ma mira, ta bin Un despues di mi, di Kende mi no ta digno pa lòs Su sandalia for di Su pia.'

G5613 -- I ora -> And while
G2491 -- Juan -> John
G4137 -- tabata yegando -> was completing
G1408 -- na fin di su karera -> his course
G3004 -- , el a bisa -> he kept saying
G5101 -- : 'Ta ken -> ‘What
G5282 -- boso ta pensa -> do you suppose
G1510 -- ku mi ta -> that I am
G1510 -- ? Ami -> ? I am
G2400 -- . Ma mira -> ]. But behold
G2064 -- , ta bin Un -> one is coming
G3326 -- despues -> after
G5266 -- di mi -> me the sandals
G3739 -- , di Kende -> of whose
G1510 -- mi ta -> I am
G514 -- no ta digno -> not worthy
G3089 -- pa lòs -> to untie
G4228 -- Su pia -> feet

13:26 "Rumannan, yunan di famia di Abraham, i esnan meimei di boso ku ta teme Dios, ta pa nos e palabra di salbashon aki ta mandá.

13:27 Pasobra esnan ku ta biba na Jerusalèm i nan gobernantenan, kendenan no a rekonosé ni E ni e palabranan di e profetanan ku ta wòrdu lesa tur Sabat, a kumpli ku esakinan dor di konden'E.

13:28 I ounke nan no a haña den djE ningun kousa ku ta meresé morto, nan a pidi Pilato pa E wòrdu matá.

13:29 I ora nan a kumpli ku tur loke tabata skirbí tokante di djE, nan a bah'E for di krus i a pon'E den un tumba.

13:30 Ma Dios a lant'E for di e mortonan;

13:31 i pa hopi dia El a paresé na esnan ku a bin kunE for di Galilea pa Jerusalèm, e mesunnan ku awor ta Su testigunan serka e pueblo.

13:32 "I nos ta prediká na boso e bon nobo di e promesa hasí na e tatanan,

13:33 ku Dios a kumpli ku e promesa aki na nos yunan dor di lanta Jesus for di e mortonan, manera ta pará skirbí tambe den Salmo dos: 'Bo ta Mi Yu; awe Mi a engendráBo.'

13:34 I enkuanto e echo ku El a lant'E for di e mortonan, pa no bolbe mas na korupshon, El a bisa asin'aki: 'Lo Mi duna boso e bendishonnan santu i sigur di David.'

13:35 Pesei E ta bisa tambe den un otro Salmo: 'Lo Bo no pèrmití Bo Santu mira korupshon.'

13:36 "Pasobra David, despues ku el a sirbi e propósito di Dios den su mes generashon, a bai sosegá i a wòrdu derá serka su tatanan, i a mira korupshon;

13:37 ma Esun ku Dios a lanta no a mira korupshon.

13:38 Pesei, sabi anto, rumannan, ku pa medio di djE pordon di piká ta wòrdu proklamá na boso,

13:39 i pa medio di djE tur esnan ku ta kere ta hustifiká di tur kos, di kualnan boso no por a wòrdu hustifiká dor di e Lei di Moisés.

13:40 Tene kuidou anto, pa loke a wòrdu bisá den e Profetanan no bin riba boso:

13:41 'Mira, boso, hasidónan di bofon, keda strañá i peresé; pasobra Mi ta hasiendo un obra den boso dianan, un obra ku boso lo no kere nunka, ni maske un hende konta boso di djé.'"

13:42 I ora Pablo i Barnabas tabata bai, e hendenan tabata roga nan pa bolbe papia e palabranan aki ku nan riba e siguiente Sabat.

13:43 Awor ora ku e sirbishi di snoa a kaba, hopi di e hudiunan i e prosélitonan ku tabata teme Dios a sigui Pablo i Barnabas, kendenan tabata papia ku nan i tabata animá nan pa nan sigui den e grasia di Dios.

13:44 I e siguiente Sabat kasi henter e stat a reuní pa tende e palabra di Dios.

13:45 Ma ora ku e hudiunan a mira e multitutnan, nan a bira masha yalurs mes i a kuminsá kontradisí e kosnan ku Pablo tabata papia, i nan tabata blasfemá.

13:46 E ora ei Pablo i Barnabas a papia ku tur frankesa i a bisa: "Tabata nesesario pa e palabra di Dios wòrdu papiá ku boso promé; ma komo ku boso ta rechasá esaki i ta huzga boso mes indigno di bida etèrno, mira, nos ta bai serka e paganonan.

G3972 -- E ora ei Pablo -> Paul
G921 -- i Barnabas -> and Barnabas
G3955 -- a papia -> spoke
G3955 -- ku tur frankesa -> out boldly
G3004 -- i a bisa -> and said
G316 -- : "Tabata nesesario -> It was necessary
G3056 -- pa e palabra -> that the word
G2316 -- di Dios -> of God
G2980 -- wòrdu papiá -> be spoken
G4413 -- ku boso promé -> to you first
G1894 -- ; ma komo ku -> since
G683 -- boso ta rechasá -> you repudiate
G2919 -- esaki i ta huzga -> it and judge
G1438 -- boso mes -> yourselves
G3756 -- indigno -> unworthy
G166 -- di bida etèrno -> of eternal
G2222 -- bida -> life
G2400 -- , mira -> behold
G4762 -- , nos ta bai -> we are turning
G1484 -- serka e paganonan -> to the Gentiles

13:47 Pasobra asina Señor a ordená nos: 'Mi a ponebo komo un lus pa e paganonan, pa bo trese salbashon te na e finnan di mundu.'"

13:48 I ora ku e paganonan a tende esaki, nan a regosihá i glorifiká e palabra di Señor; i tur esnan ku tabata destiná pa bida etèrno a kere.

13:49 I e palabra di Señor tabata wòrdu plamá den henter e region.

13:50 Ma e hudiunan a instigá e muhénan deboto i prominente i e hòmbernan lider di e stat, i nan a kuminsá un pèrsekushon kontra Pablo i Barnabas i a saka nan for di nan teritorio.

13:51 Ma nan a sakudí e stòf kita for di nan pia komo protesta kontra nan, i a bai Ikonio.

13:52 I e disipelnan a wòrdu yená ku goso i ku Spiritu Santu.

Echonan 12 Echonan 14