Echonan 11

BSNP Edit

Echonan 11

11:1 Awor e apòstelnan i e rumannan ku tabata na tur parti di Judea a tende ku e paganonan tambe a risibí e palabra di Dios.

11:2 I ora Pedro a yega Jerusalèm, esnan ku tabata sirkumsidá a diskutí kuné,

11:3 bisando: "Bo a bai serka hòmbernan insirkumsidá i a kome huntu ku nan."

11:4 Ma Pedro a kuminsá papia i a splika nan tur kos presis manera esaki a sosodé, bisando:

11:5 "Mi tabata den e stat Jope ta hasi orashon; i den un trans mi a mira un vishon, un opheto manera un laken grandi ta wòrdu bahá for di shelu na su kuater puntanan; i esaki a baha bin te serka mi,

11:6 i ora mi a fiha mi bista riba djé i tabata opserv'é, mi a mira bestianan terestre di kuater pia, bestianan di mondi i bestianan ku ta lastra i parhanan di shelu.

11:7 I tambe mi a tende un bos ta bisami: 'Pedro, lanta, mata i kome.'

11:8 "Ma mi a bisa: 'Di ningun manera, Señor, pasobra nunka nada profano ni impuru no a drenta mi boka.'

11:9 "Ma un bos for di shelu a kontestá pa di dos biaha: 'Loke Dios a hasi limpi, no konsiderá esei profano.'

11:10 I esaki a sosodé tres biaha, i tur kos a wòrdu tumá bèk den shelu.

11:11 "I mira, na e momento ei tres hòmber, ku a wòrdu mandá serka mi for di Cesarea, a presentá dilanti di e kas kaminda nos tabata keda.

11:12 I e Spiritu a bisami pa bai ku nan sin duda ni un momento. I e seis rumannan aki tambe a bai ku mi i nos a drenta e hòmber su kas.

11:13 I el a konta nos kon el a mira e angel pará den su kas, kende a bis'é: 'Manda hende na Jope pa buska Simon, kende tambe ta wòrdu yamá Pedro, i tres'é akinan;

11:14 i e lo papia palabranan ku bo pa medio di kualnan lo bo ta salbá, abo i tur hende di bo kas.'

11:15 "I ora mi a kuminsá papia, Spiritu Santu a baha riba nan, meskos ku El a baha riba nos den prinsipio.

11:16 I mi a kòrda e palabra di Señor, kon El a bisa: 'Juan tabata batisá ku awa, ma boso lo wòrdu batisá ku Spiritu Santu.'

11:17 Si Dios anto a duna nan e mesun don ku El a duna nos tambe despues di a kere den Señor Jesu-Cristo, ta ken mi tabata pa por a stroba Dios?"

11:18 I ora nan a tende esaki, nan a kalma i a glorifiká Dios, bisando: "Asina anto, Dios a duna e paganonan tambe e repentimentu ku ta guia na bida."

11:19 Asina anto, esnan ku a wòrdu plamá pa motibu di e pèrsekushon ku a surgi en konekshon ku Esteban, a sigui bai te na Fenisia, Cyprus i Antiokia, i no tabata papia e palabra ku ningun hende, sino ku e hudiunan so.

G3767 -- Asina -> So
G3767 -- anto -> then
G3588 -- , esnan -> those
G1289 -- ku a wòrdu plamá -> who were scattered
G575 -- pa motibu -> because
G2347 -- di e pèrsekushon -> of the persecution
G1096 -- ku a surgi -> that occurred
G1909 -- en konekshon -> in connection
G4736 -- ku Esteban -> with Stephen
G1330 -- a sigui bai -> made
G1330 -- a sigui bai -> their way
G5403 -- te na Fenisia -> to Phoenicia
G2954 -- , Cyprus -> and Cyprus
G490 -- i Antiokia -> and Antioch
G2980 -- , i no tabata papia -> speaking
G3056 -- e palabra -> the word
G3367 -- ku ningun -> to no
G3367 -- hende -> one
G1508 -- , sino -> except
G2453 -- ku e hudiunan -> to Jews
G3441 -- so -> alone

11:20 Ma tabatin algun di nan, hòmbernan di Cyprus i Sirene, kendenan a bin Antiokia i a kuminsá papia ku e griegonan tambe, predikando Señor Jesus.

11:21 I man di Señor tabata ku nan, i un gran kantidat ku a kere a kombèrtí na Señor.

11:22 I e notisia tokante di nan a yega na oído di e iglesia na Jerusalèm i nan a manda Barnabas bai Antiokia.

11:23 I ora ku el a yega i a mira e grasia di Dios, el a regosihá i a kuminsá enkurashá nan tur pa proponé den nan kurason pa keda fiel na Señor;

11:24 pasobra e tabata un bon hòmber, yen di Spiritu Santu i di fe. I multitutnan grandi a wòrdu agregá na Señor.

11:25 I Barnabas a bai Tarso pa buska Saulo;

11:26 i ora ku el a hañ'é, el a tres'é Antiokia. I a sosodé ku pa henter un aña nan tabata reuní ku e iglesia i tabata siña multitutnan grandi. I na Antiokia e disipelnan a wòrdu yamá Cristian pa promé biaha.

11:27 Awor den e dianan ei algun profeta a baha bin Antiokia for di Jerusalèm.

11:28 I un di nan, ku yama Agabo, a lanta para i a partisipá pa medio di e Spiritu ku siguramente lo a bin un hamber grandi den henter mundu. I esaki a tuma lugá durante di e reinado di Claudio.

11:29 I e disipelnan a determiná ku, segun alkanse, kada un di nan lo a manda un kontribushon komo un sosten pa e rumannan ku tabata biba na Judea.

11:30 I esaki nan a hasi i a mand'é pa medio di Barnabas i Saulo pa e ansianonan.

Echonan 10 Echonan 12