1 Korintionan 13

BSNP Edit

1 Korintionan 13

13:1 Maske mi papia lenga di hende i di angel, ma mi no tin amor, mi a bira manera un gòng ku ta zona òf un simbal ku ta resoná.

13:2 I si mi tin don di profesia i ta komprendé tur misterio i tur konosementu; i si mi tin tur fe pa kita serunan for di nan lugá, ma mi no tin amor, mi no ta nada.

G1437 -- I si -> If
G2192 -- mi tin -> I have
G4394 -- don di profesia -> ] prophecy
G3609a -- i ta komprendé -> and know
G3956 -- tur -> all
G3466 -- misterio -> mysteries
G3956 -- i tur -> and all
G1108 -- konosementu -> knowledge
G1437 -- ; i si -> and if
G2192 -- mi tin -> I have
G3956 -- tur -> all
G4102 -- fe -> faith
G5620 -- pa -> so
G3179 -- kita -> as to remove
G3735 -- serunan -> mountains
G2192 -- , ma mi no tin -> but do not have
G26 -- amor -> love
G1510 -- , mi no ta -> I am
G3762 -- nada -> nothing

13:3 I si mi duna tur mi propiedat pa duna e pobernan di kome, i si mi entregá mi kurpa pa wòrdu kimá, ma mi no tin amor, esei no ta sirbimi di nada.

13:4 Amor tin pasenshi, amor ta kariñoso i no ta yalurs; amor no ta gaba, i no ta arogante,

13:5 e no ta komportá su mes indesente; e no ta buska su propio interes, e no ta wòrdu proboká, e no ta warda renkor,

13:6 e no ta regosihá den inhustisia, ma ta regosihá den e bèrdat;

13:7 tur kos e ta tapa, tur kos e ta kere, tur kos e ta spera, tur kos e ta soportá.

13:8 Amor nunka no ta faya; ma pa loke ta donnan di profesia, nan lo wòrdu kitá; pa loke ta lenganan, eseinan lo stòp; pa loke ta konosementu, esei lo wòrdu kitá.

13:9 Pasobra nos ta komprendé pa un parti, i nos ta profetisá pa un parti;

13:10 ma ora loke ta perfekto bin, loke ta pa un parti lo wòrdu kitá.

13:11 Tempu mi tabata mucha, mi tabata papia manera mucha, pensa manera mucha, rasoná manera mucha; ma awor ku mi a bira hòmber, mi a pone kos di mucha un banda.

13:12 Pasobra awor nos ta mira den un spil, skur asina, ma e ora ei nos lo mira kara-kara; awor mi konosé pa un parti, ma e ora ei lo mi konosé kompletamente, meskos ku ami tambe a wòrdu konosí kompletamente.

13:13 Ma awor ta keda fe, speransa, amor, e tresnan aki; ma esun di mas ekselente di esakinan ta amor.

1 Korintionan 12 1 Korintionan 14