1 Kronikonan 25
25:1
Ademas, David i e komandantenan di e ehérsito a apartá pa sirbishi algun di e yu hòmbernan di Asaf, di Heman i di Jedutun, pa profetisá ku salterio, arpa i simbal; i e kantidat di esnan ku tabata hasi e sirbishi aki tabata:
25:2
Di e yu hòmbernan di Asaf: Zakur, Jose, Netanias i Asarela; e yu hòmbernan di Asaf tabata bou di direkshon di Asaf, kende tabata profetisá bou di direkshon di rei.
25:3
Di Jedutun: e yu hòmbernan di Jedutun: Gedalias, Zeri, Jesaias, Simei, Hasabias i Matitias, seis, bou di direkshon di nan tata Jedutun ku arpa, kendenan tabata profetisá, gradisiendo i alabando SEÑOR.
25:4
Di Heman: e yu hòmbernan di Heman: Bukias, Matanias, Uziel, Sebuel, Jeremot, Hananias, Hanani, Eliata, Gidalti, Romamti-ezer, Josbekasa, Maloti, Hotir i Mahaziot.
25:5
Tur esakinan tabata e yu hòmbernan di Heman, e miradó di rei, pa onr'é konforme e palabranan di Dios, pasobra Dios a duna Heman dieskuater yu hòmber i tres yu muhé.
25:6
Tur esakinan tabata bou di direkshon di nan tata pa kanta den e kas di SEÑOR ku simbal, arpa i salterio, pa e sirbishi di e kas di Dios. Asaf, Jedutun i Heman tabata bou di direkshon di rei.
25:7
I nan kantidat, huntu ku nan rumannan, instruí pa kanta na SEÑOR, tur ku tabata eksperto, tabata 288.
25:8
I nan a tira lòt pa regla nan sirbishinan, tur meskos, tantu chikitu komo grandi, tantu maestro komo alumno.
25:9
Awor e promé lòt pa Asaf a kai riba Jose, e di dos riba Gedalias, é ku su rumannan i yu hòmbernan tabata 12;
25:10
e di tres riba Zakur, su yu hòmbernan i su rumannan, 12;
25:11
e di kuater riba Izri, su yu hòmbernan i su rumannan, 12;
25:12
e di sinku riba Netanias, su yu hòmbernan i su rumannan, 12;
25:13
e di seis riba Bukias, su yu hòmbernan i su rumannan, 12;
25:14
e di shete riba Jesarela, su yu hòmbernan i su rumannan, 12;
25:15
e di ocho riba Jesaias, su yu hòmbernan i su rumannan, 12;
25:16
e di nuebe riba Matanias, su yu hòmbernan i su rumannan, 12;
25:17
e di dies riba Simei, su yu hòmbernan i su rumannan, 12;
25:18
e di diesun riba Azareel, su yu hòmbernan i su rumannan, 12;
25:19
e di diesdos riba Hasabias, su yu hòmbernan i su rumannan, 12;
25:20
e di diestres riba Subael, su yu hòmbernan i su rumannan, 12;
25:21
e di dieskuater riba Matitias, su yu hòmbernan i su rumannan, 12;
25:22
e di diesinku riba Jeremot, su yu hòmbernan i su rumannan, 12;
25:23
e di dieseis riba Hananias, su yu hòmbernan i su rumannan, 12;
25:24
e di dieshete riba Josbekasa, su yu hòmbernan i su rumannan, 12;
25:25
e di diesocho riba Hanani, su yu hòmbernan i su rumannan, 12;
25:26
e di diesnuebe riba Maloti, su yu hòmbernan i su rumannan, 12;
25:27
e di binti riba Eliata, su yu hòmbernan i su rumannan, 12;
25:28
e di bint'i un riba Hotir, su yu hòmbernan i su rumannan, 12;
25:29
e di bint'i dos riba Gidalti, su yu hòmbernan i su rumannan, 12;
25:30
e di bint'i tres riba Mahaziot, su yu hòmbernan i su rumannan, 12;
25:31
e di bint'i kuater pa Romamti-ezer, su yu hòmbernan i su rumannan, 12.