1 Kronikonan 17

BSNP Edit

1 Kronikonan 17

17:1 I a sosodé ku ora David a bai biba den su kas, David a bisa profeta Natan: "Mira, ami ta biba den un kas di palu di seda, ma e arka di e aliansa di SEÑOR ta bou di kortina."

17:2 E ora ei Natan a bisa David: "Hasi tur loke ta den bo kurason, pasobra Dios ta ku bo."

17:3 I a sosodé ku e mesun anochi ei e palabra di Dios a yega na Natan, bisando:

17:4 "Bai bisa Mi sirbidó David: 'Asina SEÑOR ta bisa: "Abo lo no traha un kas pa Mi biba aden;

17:5 pasobra Mi no a biba den un kas for di dia ku Mi a trese Israel aki te dia djawe, ma Mi a bai di un tènt pa otro i di un lugá-di-biba pa otro.

17:6 Na tur lugá ku Mi a kana ku henter Israel, Mi a yega di papia un palabra ku un di e huesnan di Israel, ku Mi a ordená pa pastoriá Mi pueblo, bisando: 'Pakiko boso no a traha un kas di palu di seda pa Mi?'"'

H3605 -- Na tur -> In all
H834 -- luga ku -> places where
H1980 -- Mi a kana -> I have walked
H3605 -- ku henter -> with all
H3478 -- Israel -> Israel
H1696 -- Mi a yega di papia -> have I spoken
H1697 -- un palabra -> a word
H259 -- ku un -> with any
H8199 -- di e huesnan -> of the judges
H3478 -- di Israel -> of Israel
H834 -- ku -> whom
H6680 -- Mi a ordená -> I commanded
H7462a -- pa pastoriá -> to shepherd
H5971a -- Mi pueblo -> My people
H4100 -- Pakiko -> ‘Why
H1129 -- boso no a traha -> have you not built
H1004 -- un kas -> for Me a house
H730 -- di palu di seda -> of cedar
H559 -- bisando -> saying

17:7 "Pesei anto, asina bo mester bisa Mi sirbidó David: 'Asina e SEÑOR di ehérsitonan ta bisa: "Mi a sakabo for di den un lugá di yerba bèrdè, for di tras di e karnénan, pa bo ta lider riba Mi pueblo Israel.

17:8 I Mi tabata ku bo unda ku bo a bai i a kòrta tur bo enemigunan kita for di bo dilanti; i lo Mi dunabo un nòmber manera nòmber di e grandinan ku tin riba tera.

17:9 I lo Mi apuntá un lugá pa Mi pueblo Israel, i planta nan, pa nan biba den nan mes lugá i no wòrdu moví mas; ni e malbadonan lo no afligí nan mas manera antes,

17:10 manera tempu ku Mi a nombra huesnan riba Mi pueblo Israel. I lo Mi hasi tur bo enemigunan someté. "Ademas, Mi ta bisabo ku SEÑOR lo traha un kas pa bo.

17:11 I lo sosodé ku ora bo dianan keda kumplí ku bo mester bai serka bo tatanan, lo Mi lanta un di bo desendientenan despues di bo ku lo ta un di bo yu hòmbernan; i lo Mi stablesé su reino.

17:12 E lo traha un kas pa Mi, i lo Mi stablesé su trono pa semper.

17:13 Ami lo ta su tata, i e lo ta Mi yu hòmber; i lo Mi no kita Mi miserikòrdia for di djé, manera Mi a kit'é for di esun ku tabata promé ku bo.

17:14 Ma lo Mi stables'é den Mi kas i den Mi reino pa semper, i su trono lo ta stablesí pa semper."'"

17:15 Konforme tur e palabranan aki i konforme henter e vishon aki, asina Natan a papia ku David.

17:16 E ora ei rei David a bai paden i a sinta dilanti di SEÑOR i a bisa: "Ta ken mi ta, O SEÑOR Dios, i ta kiko mi kas ta, ku Bo a tresemi te akinan?

17:17 I esaki tabata un kos chikitu den Bo bista, O Dios; ma Bo a papia di e kas di Bo sirbidó enkuanto un futuro lehano, i a konsiderámi komo un hòmber di kategoria haltu, O SEÑOR Dios.

17:18 "Kiko mas David por bisaBo tokante di e onor ku a wòrdu duná na Bo sirbidó? Pasobra Bo konosé Bo sirbidó.

17:19 O SEÑOR, pa motibu di Bo sirbidó, i konforme Bo mes kurason, Bo a hasi tur e grandesa aki, pa hasi tur e kosnan grandi aki konosí.

17:20 "O SEÑOR, no tin ningun manera Bo, ni no tin ningun Dios fuera di Bo, konforme tur loke nos a tende ku nos orea.

17:21 I kual nashon na tera ta manera Bo pueblo Israel, ku Dios a bai redimí pa Su mes komo un pueblo, pa hasi Bo mes un nòmber dor di kosnan grandi i teribel, dor di kore ku nashonnan for di dilanti di Bo pueblo, ku Bo a redimí for di Egipto?

H4310 -- I -> And what
H259 -- kual -> one
H1471 -- nashon -> nation
H776 -- na tera -> in the earth
H5971a -- ta manera Bo pueblo -> is like Your people
H3478 -- Israel -> Israel
H834 -- , ku -> whom
H1980 -- a bai -> went
H6299 -- redimí -> to redeem
H430 -- Dios -> god
H5971a -- un pueblo -> ] a people
H7760 -- , pa hasi -> to make
H8034 -- Bo mes un nòmber -> You a name
H1420 -- dor di kosnan grandi -> by great
H3372a -- i teribel -> and terrible
H3372a -- , dor di -> things
H1644 -- kore -> in driving
H1471 -- ku nashonnan -> out nations
H6440 -- for di dilanti -> from before
H5971a -- di Bo pueblo -> Your people
H834 -- , ku -> whom
H6299 -- Bo a redimí -> You redeemed
H4714 -- for di Egipto? -> out of Egypt

17:22 Pasobra Bo a hasi Bo pueblo Israel Bo mes pueblo pa semper, i Abo, O SEÑOR, a bira nan Dios.

17:23 "I awor, O SEÑOR, laga e palabra ku Bo a papia tokante di Bo sirbidó i tokante di su kas keda stablesí pa semper, i hasi manera Bo a papia.

17:24 I laga Bo nòmber keda stablesí i engrandesí pa semper, bisando: 'E SEÑOR di ehérsitonan ta e Dios di Israel, sí, un Dios pa Israel; i e kas di Bo sirbidó David ta stablesí Bo dilanti.'

17:25 "Pasobra Abo, O mi Dios, a revelá na Bo sirbidó ku lo Bo traha un kas p'é; pesei Bo sirbidó a haña kurashi pa hasi orashon Bo dilanti.

17:26 I awor, O SEÑOR, Abo ta Dios, i Bo a primintí Bo sirbidó e kos bon aki.

17:27 I awor a agradáBo di bendishoná e kas di Bo sirbidó, pa e permanesé pa semper Bo dilanti; pasobra Abo, O SEÑOR, a bendishoná, i e lo ta bendishoná pa semper."

1 Kronikonan 16 1 Kronikonan 18