E DIA DI SEÑOR! E DIA DI SEÑOR!

Mi nòmber ta Calvin Wong Loi Sing, i mi ta un sirbido di Kristu Hesus, Rei di Mundu, Dios di Kreashon.

14 di juli 2019 Dios a lantami for di un soño profundo. Un soño ku a afèkta generashonnan. Un soño no solamente di nos mes, pero un soño hereda. For di prinsípio Dios a avísá humanidat ku nos lo lubida su kaminda, i manera E la bisá, a sosodé (Deuteronomy 31:16-17).

Na luga di a siñá pa honrá i konfiá Dios den tur kòs, mundu a siñá nos pa honrá nos obranan bòn. Nos a bira e fariseo nan ku Hesus a kondená, ku tabata labá blanku pafó, pero ku un oskuridat profundo paden (Matthew 23:27-28).

Kon nos por a lubidá nos grandi nan amor ku nan a siñá di nos Dios. E amor pa un i tur. E amor ku ta wak e otro promé ku e wak su mes. Nos a bira hende nan egoista, ku ta wak solamente pa nos mes. I pa e motibu ei, nos a risibí un gobiernu egoísta ku ta wak solamente pa su mes (Philippians 2:3-4; 1 Samuel 8:10-17). Meskòs ku tabata lo ta, no tin nada nobo bou di solo (Ecclesiastes 1:9).

Tur alma bou di e solo ku ta briya tin falta den esaki, no tin yun ku ta sin falta. E gran mayoria ta kana ku nan falta komo bistí, i no a laba esaki den e sanger di Kristu Hesus (1 John 1:7). Boso no a muri pa e pashonnan di e mundu aki. Kon por ta ku AMI ta bisa pa KONFIA den MI den TUR kos, i boso ta konfia mas den dòkter? I boso ta konfia mas den kurandera? I boso ta konfia mas riba e prome resultado di buskeda riba boso telefon? Kon un kos asina por a sosodé (Jeremiah 17:5)?

Kon por ta asina ku e kasnan ku ta bisa ku nan ta para pami, ta hasi manera nan no konosémi (Luke 6:46)? Kuantu di boso Kristiannan - den boso boka - ta kore bai iglesia, ta kore bai trabou. Saliendo for di boso bendishon kual ta boso kas, baiendo boso iglesia den boso bendishon di tin un outo. Konfiando den e seguransia fin di luna di e bendishon di tin un trabou (Isaiah 31:1).

I den tur esaki boso ta wak e pober nan kantu di kaminda sin ku boso kurason move. Den tur esaki boso ta wak boso rumannan ta kana den higra di solo, sin pensa di dun'é un kabes di boto (James 2:14-17). Den tur esaki boso amor ta morto, i boso no konosém'I (1 John 3:17). I AMI ta deklara awe riba dia 31 di desèmbèr 2024, Mi no konos'é boso (Matthew 7:23).

Ta un ofensa sin igual pa deklara ku bo boka ku bo ta konfia den Mi den tur kos, pero no por konfia ku si bo duna Mi tur ku bo tin, AMI lo prov'é, manera mi Nòmber ta bisa (Malachi 3:10). Pero no, boso a konfia den boso mes poder, boso a enpodera e deseo nan korupto di boso kurason i a lubida mi Nòmber. Boso a bira hendenan ku ta konfia den sen, hendenan ku ta konfia den flet, hendenan ku ta konfia den netwerk i poder riba otro. (Luke 12:16-21).

Mira awor kiko Mi te hasi. Mira awor e Dia di Señòr ku a yega riba e luga (Zephaniah 1:14-16).

E DIA ku a yega pa dominá (Revelation 11:15).

E DIA ku a yega pa rekordá tur ta ken Mi ta (Malachi 3:16-17).

E DIA ku mi a profesá di dje, for di tempu aya (Isaiah 46:10).

E DIA tan espera, i siguramente prepara for di prinsípio di Mi Lus (John 1:4-5).

E DIA kaminda Kristu Hesus lo revela ken E ta (Philippians 2:10-11).

E DIA kaminda tur kos lo bin na kla (1 Corinthians 4:5).

E DIA ku a yega, pues prepara (Matthew 24:44).

PREPARA

PREPARA

PREPARA

Boneiru, prepara bo kurason pa e dia ku a yega riba e luga. E Dia ku a bin pa rekorda nos tur ta ken realmente nos Dios ta (Exodus 15:11). E Dia kaminda Dios te kibra tur ídolo (Isaiah 2:17-18). Tur kos ku nos a lanta kontra dj'E te wordu ruina riba e Dia aki (Zephaniah 1:18).

Pues Boneiru, prepara.

Prepara bo mes pasobra tur kos ku bo ta konfiá den dje ku no ta funda den Kristu Hesus te kai i núnka lanta mas (1 Corinthians 3:11-13).

Prepara pa e revelashon ku tur kòs ku bo a yama bo seguridat tabata falsedat (Jeremiah 10:14).

Mi no ta bin pa destruí bo, mi a bin pa ruina bo ídolonan, pa asina bo por korda riba Mi (Exodus 20:3-5). Mi no a bin pa spantab'o, paso den Mi no tin miedu, pesei Mi ta avisa bo (Isaiah 41:10; Amos 3:7).

Pero siguramente Mi no ta kambia loke Mi a deklara, pues Boneiru, prepara (Numbers 23:19).

Merka lo kai i núnka lanta mas. Babilonia su fin ta deklara, i awor te wordu ehekutá (Revelation 18:2). No yora p'é, no yora pa huisio di maldat (Jeremiah 11:14). No yora pa bo falta di seguridat, no yora pa bo ídolonan (Revelation 18:9-10). Korda riba Mi promesa nan riba e Dia aki. Korda riba tur kos ku Mi a deklara (2 Peter 3:9).

Nada riba e mundu aki por trese salbashon, solamente Mi Nòmber, Kristu Hesus (Acts 4:12). Solamente Mi Palabra, kual Ami ta (John 1:1). Solamente e kaminda ku Mi a krea ta lidia na bida. E kaminda ta simpel, muri pa e mundu aki, i tur kos ku e ta ofrese, i biba pa Ami, i tur kos ku Mi a priminti (Matthew 16:24-25).

Den fe lo bo risibi bida, i ku miedu lo bo perdi'e (Romans 10:9). I si ta desagradabel den boso bista pa sirbí SEÑÒR, skohe pa boso mes awè kende boso lo sirbí: sea e diosnan ku boso tatanan tabata sirbí, kuálnan tabata na e otro banda di Riu Eufrates, òf e diosnan di e amoreonan, den kende nan tera boso ta biba; ma pa loke ta ami i mi kas, nos lo sirbí SEÑÒR (Joshua 24:15).

Prepara Boneiru. E Dia di SEÑÒR a yega pa ruina tur ku a lubidá ta ken E ta (Joel 2:1-2). Korda riba dj'E awor ku tin tempu ainda, awe ku solo ta briya den e firmamentu manera E la hasi for di kuminsamentu di tempu (Genesis 1:14-15). Korda riba nos Dios prome ku skuridat yega, i noch'i sera i yun por traha mas (John 9:4).

Prepara Boneiru.

No kere boso ta un isla lubidá. Wak na Nort, i mira e bunitesa reservá, wak na Suit i mira serunan di salu pa e mundu ku Mi a krea (Matthew 5:13-16). I einan, wak na laira i mira mi palabra wordu transmití pa e nashonan (Psalm 19:1-4). Esaki ta boso destino, esaki ta boso yamada.

No laga e mundu aki tenebo distraí, bin bek seka Mi.

Bin pa Mi guiábo i siñábo kana den bo destino destiná for di e prinsípio sin fin (Ephesians 2:10).

Amen